Како оригинално требала да заврши приказната за Фиби во „Пријатели“?

Фиби, како што откриваме во текот на ТВ серијата, имала лош животен почеток, но до крајот на „Пријатели“, таа завршува среќно во брак со нејзината љубов, Мајк Хениган.

Но, работите не биле отсекогаш така планирани.

Актерот Хенк Азарија кој го глумеше физичарот и момчето на Фиби, Дејвид открива дека нејзината приказна требала да заврши сосема поинаку.

На почетокот на серијата Фиби и Дејвид се запознаваат, но нивната врска трае кратко, бидејќи тој заминува за Минск.

Подоцна, Фиби се заљубува во Мајк, но ја прекинуваат врската, бидејќи Мајк не сака повторно да стапи во брак заради првиот попаднат брак.

Дејвид се враќа од Минск и ја запросува, а тоа го наведува и Мајк да сфати колку ја сака и да ја запроси.

Во ТВ серијата Фиби завршува со Мајк, кој го глумеше Пол Рад, кој бил толку шармантен што решиле да ја променат приказната.

„Идејата беше да го вратиме Дејвид назад, но искрено, мислам дека тоа што се случи со Мајк се покажа како далеку подобро од тоа Фиби да завршеше со Дејвид“ - вели Хенк.

„Секако дека бев разочаран, како што беа и гледачите тажни за приказната на Дејвид“ - додава.

Што мислите? Како ќе беше ако Фиби навистина завршеше со Дејвид, наместо Мајк?

Н. Г. | Црнобело