10 одлични филмови со кражби и грабежи кои вреди да ги изгледате

Доколку уживате во филмовите исполнети со акција, адреналин и грабежи, тогаш овие 10 се вистинскиот избор за вас.

Најдете време за опуштање и уживајте во овие тематски филмови кои се протегаат од 2001-2019 година:

The Bank Job (2008)

Мартин му нуди информации на Тери за сефови полни милиони долари и вреден накит на улицата Бејкер во Лондон. Но, Тери и неговата екипа не се свесни дека во многу од тие сефови се крие нешто многу повредно од пари–тајни кои некои луѓе не сакаат да бидат откриени.

Heroic Losers (2019)

Откако дознаваат дека нивните животни заштеди се украдени од страна на менаџерот на банката и корумпиран адвокат, група на соседи во мал град кројат план за да го вратат она што им припаѓа ним.

The Lookout (2007)

Крис е надежен спортист во средно училиште чиј живот се превртува наопаку после трагична несреќа. Обидувајќи се да продолжи со животот се вработува како хигиеничар во банка и станува дел од планиран грабеж на истата.

Heist (2001)

Џо Моро, професионален крадец се откажува од овој начин на живот откако неговиот идентитет ќе биде откриен на снимка. Но, кога тој и неговиот партнер банкротираат, време е за уште една последна, голема кражба.

Logan Lucky (2017)

Џими и Клајд, познати како браќата Логан кројат неверојатен план да изведат огромен грабеж во Јужна Каролина, САД.

Продолжува на следната страна...