Филмови со неочекувани пресврти кои ќе ве избезумат

Подготвени за нашите филмски предлози исполнети со пресврти кои нема да ги очекувате? Зарем тоа не е најдобриот, највозбудливиот момент додека гледате некое филмско дело?

Одбравме филмови од речиси сите жанрови, а доколку сте расположени за неочекувани пресврти во дејствието одвојте време за:

Trance (2013)

Додека се обидува да си поврати дел од сеќавањето, дилер со уметнички дела бара помош од психотерапевт. Неговиот ум започнува да си игра со реалноста, потиснатите желби и фантазијата.

Another Earth (2011)

Рода е амбициозна студентка чиј живот се вкрстува со оној на Џон во трагична несреќа, во која неговата жена и синот загинуваат. Откако ќе ја отслужи затворската казна, Рода е решена да го поправи распаднатиот живот на Џон.

Arrival (2016)

Луиз Бенкс е експерт по лингвистика, која заедно со својот тим мора да го дешифрира јазикот на вонземјани кои слетуваат на Земјата во мистериозно вселенско летало.

The Best Offer (2013)

Вирџил е директор на престижна аукциска куќа кој се вљубува во млада наследничка. Откако ќе ѝ ја покаже скапоцената колекција на портрети, таа исчезнува со сите негови слики.

Cloud Atlas (2012)

Шест индивидуи кои припаѓаат во различни временски епохи и генерации се соочуваат со влијанијата на човековите постапки не само врз сопствените животи, туку и врз оние на саканите, во светот којшто постојано се менува.

Edge of Tomorrow (2014)

Вилијам Кејџ мора да ја спаси планетата и истребувањето на човечката раса од вонземјани со помошта на Рита, додека самиот е заробен во ден кој постојано се повторува, одново и одново.

Продолжува на следната страна...