Култни филмови кои наполнија 20 години во 2020-та

American Psycho

Оваа адаптација на истоимената книга на Брет Истон Елис има одлична актерска екипа. Покрај Кристијан Бејл во главната улога, во филмот се појавуваат и Рис Витерспун, Џаред Лето, Џастин Теру и Вилем Дефо.

Charlie’s Angels

Акционата комедија можеби не е најдобриот филм од 2000-та, но сигурно ќе го помниме уште долго. Камерон Диаз, Дру Баримор и Луси Лиу се „чарлиевите ангели“ на кои никој не може да им се спротивстави.

Requiem for a Dream

Режисерот Аронофски беше и критикуван, но и обожуван за ова вознемирувачка драма. Филмот дефинитивно не е за секого и на многу реален начин ги прикажува проблемите кои доаѓаат со зависноста од дрога, а на кои не сте ни помислиле.

The Beach

The Beach е филмот што ја прослави препознатливата плажа во Тајланд. Главната улога му припаѓа на Леонардо ди Каприо, а филмот се покажа како вистинска инспирација за многу авантуристи.

The Emperor’s New Groove

Ова е дефинитивно најпотценетиот филм на Дизни и доколу не сте го изгледале, направете го тоа веднаш штом ќе имате можност.

Scary Movie

И овој филм е далеку од најдобрите, но со него не само што започна франшиза која денес има пет дела, туку Scary Movie е причината што денес има толку многу пародии на холивудските филмови.

Спирова С. | Црнобело