Помалку познати филмови со Бред Пит што секој фан би требало да ги изгледа

Spy Game (2001)

Овојпат, Бред глуми агент од ЦИА кој е заробен во Кина. Еден негов колега, кој веќе е пред пензија, одлучува да го искористи неговото искуство и да го спаси.

Ова е еден од подобрите филмови на листава, па ако сте расположени за трилер, нема да погрешите со Spy Game.

Sinbad: The legend of the Seven Seas (2003)

Ако треба да гледате нешто со вашите малечки, Sinbad е совршениот избор. Ова е анимиран филм направен според приказната за Синбад морепловецот, а гласот на главниот лик го позајмува Бред Пит. Покрај него, во цртаниот гласовите ги позајмуваат и Кетрин Зета-Џонс и Мишел Фајфер.

The Tree of Life (2011)

Овој филм е експериментална драма што критичарите ја прифатија многу добро. Во филмот, наизменично се прикажани настани од раѓањето на едно дете, неговото растење и неговиот живот како возрасен, и дефинитивно ќе ве натера да размислувате.

Killing Them Softly (2012)

Овој филм не помина најдобро на бокс-офисот, но повеќето критичари имаа само добри зборови.

Тројца крадци успеваат да украдат пари од нелегална покер игра, но тие пари им припаѓаат на мафијашите. Тогаш, двајца „тепачи“, од кои едниот е Бред Пит, се обидуваат да ги најдат крадците и да ги вратат парите.

Allied (2016)

Дејството на филмот е сместено среде Втората светска војна, а Бред Пит и Марион Котијар глумат агенти кои се вљубуваат еден во друг.

Тие се надеваат дека зад себе можат да го остават двојниот живот на агенти и да живеат среќно, но судбината имала друг план.

Спирова С. | Црнобело