Сите добитници на Оскари 2025: „Anora“ триумфираше со 5 статуетки, „The Brutalist“ со 3 Оскари

„Anora“ е филм снимен за само шест милиони долари, што е мала сума за холивудските стандарди, но и покрај тоа излезе како победник во непредвидливата оскаровска трка, во која претходно повеќе шанси им се даваа на „Emilia Perez“ и „The Brutalist“.

Во Лос Анџелес, утрово се одржа 97. доделување на „Оскарите“. Многу гламур на црвениот тепих, а потоа и награди за најдобрите од изминатата година.

Филмот „Anora“ освои пет Оскари, а Шон Бејкер доби четири златни статуетки, за филм, режија, сценарио и монтажа.

Главната актерка, Мајки Медисон доби Оскар за најдобра женска улога во овој филм.

Филмот имаше номинација и за споредна машка улога.

„Anora“ е филм за егзотична танчарка и сексуална работничка која добива прилика за нов живот кога се мажи за син на руски олигарх.

Едриен Броди го освои вториот Оскар за најдобар актер, 22 години по „The Pianist“, овојпат за улогата на еврејски мигрант и архитект во „The Brutalist“.

За најдобри споредни улоги беа наградени Зое Салдана за „Emilia Pérez“ и Киран Калкин за „A Real Pain“.

Сите добитници на Оскари во 2025 година:

Најдобар филм: „Anora“

Главна машка улога: Eдриен Броди, „The Brutalist“

Главна женска улога: Мајки Медисон, „Anora“

Споредна машка улога: Киран Калкин, „A Real Pain“

Споредна женска улога: Зои Салдана, „Emilia Pérez“

Режисер: Шон Бејкер, „Anora“

Оригинално сценарио: „Anora“, Шон Бејкер

Адаптирано сценарио: „Conclave“, Питер Страган

Долгометражен анимиран филм: „Flow“

Краток анимиран филм: „In the Shadow of the Cypress“

Меѓународен филм: „ I'm Still Here“ (Ainda estou aqui), Бразил

Долгометражен документарен филм: „No Other Land“

Краток документарец: „The Only Girl in the Orchestra “

Краток игран филм: „I'm Not a Robot“

Оригинална музика: „The Brutalist“

Оригинална песна: „El Mal“ од филмот „Emilia Pérez“

Звук: „Dune: Part Two“

Сценографија: „Wicked“

Фото: „The Brutalist“

Шминка и коса: „The Substance “

Костимографија: „Wicked“

Монтажа: „Anora“

Визуелни ефекти: „Dune: Part Two“

Е. П. | Црнобело