Култни филмови што наскоро ќе нè израдуваат со ново продолжение

Последниве неколку години, римејковите и продолженијата на постоечките филмови станаа навистина популарни.

Дизни веќе направи неколку римејкови на нивни постари цртани филмови, а видовме и многу продолженија на филмски серијали.

И во блиска иднина, и покрај целата збрка со корона вирусот и пролонгирањето на премиерите, сепак ќе имаме можност да погледнеме неколку вакви филмови.

Погледнете кои популарни филмови наскоро ќе нè израдуваат со ново продолжение:

No Time to Die

Ова ќе биде 25-тиот филм од серијалот со Џејмс Бонд, а во главната улога уште еднаш ќе го гледаме Даниел Крег. Агентот 007 повторно се враќа на работа, овојпат обидувајќи се да го спаси светот од мистериозниот негативец и некоја нова и опасна технологија.

Ова е петтиот филм за Џејмс Бонд со Даниел Крег, а најверојатно ќе биде и неговиот последен.

Премиера: ноември 2020

Wonder Woman: 1984

Ова ќе биде вториот филм за познатата хероина каде што главната улога ѝ припаѓа на Гал Гадот. Дејството ќе биде сместено во 80-тите, и приказната нема да биде поврзана со настаните од првиот филм.

Наводно, името на филмот е инспирирано од позната дистописка новела на Орвел - „1984“.

Премиера: август 2020

Top Gun: Maverick

Три децении по премиерата на првиот Top Gun филм, Том Круз уште еднаш ќе ја репризира неговата улога.

Овојпат, неговиот лик ќе биде инструктор, а покрај него, во филмот ќе се појави и неверојатната Џенифер Конели.

Премиера: 23 декември 2020

Ghostbusters: Afterlife

Продуцентите на филмот изјавија дека ова продолжение ќе нема никаква врска со Ghostbusters од 2016-та, кој се соочи со многу лоши критики.

Веројатно ова ќе биде вистина, бидејќи на новото продолжение работи авторот од првите два дела, кои беа вистински хит.

Премиера: 5 март 2021

Продолжува на следната страница...