Совршени за маратонско гледање – најдобрите филмски серијали што ќе ве забавуваат со часови

Филмските серијали стануваат сè попопуларни, но ретко кои го задржале квалитетот од првиот до последниот филм.

Сепак, постојат неколку франшизи што успеале да им го задржат вниманието на гледачите и по третиот, па дури и четвртиот филм.

Ако сте подготвени за маратонско гледање, нема да погрешите со овие филмски серијали:

The Dark Knight Trilogy

• Batman Begins (2005)
• The Dark Knight (2008)
• The Dark Knight Rises (2012)

Во трилогијата на Нолан главната улога му припаѓа на Кристијан Бејл, кој завршил одлична работа. Низ серијалот, Бетмен се соочува со некои од најпознатите негативци, вклучувајќи ги Плашилото (Килијан Марфи), Џокер (Хит Леџер) и Бејн (Том Харди).

Истовремено, ќе имате можност да погледнете и како Бетмен се претворил во суперхеројот што го знаеме денес.

Indiana Jones

• Raiders of the Lost Ark (1981)
• Indiana Jones and the Temple of Doom (1984)
• Indiana Jones and the Last Crusade (1989)
• Indiana Jones and the Kingdom of the Crystal Skull (2008)

Зарем има лик што ќе ви ја разгори желбата за авантура како археологот Индијана Џонс? Во секој филм, Индијана се обидува да спаси разни артефакти и се соочува со секакви мистични сили.

Можеби последниот филм не е добар како постарите, но сигурно ќе ви биде забавен за гледање.

Jumanji

• Jumanji (1995)
• Jumanji: Welcome to the Jungle (2017)
• Jumanji: The Next Level (2019)

Во првиот дел се појавува легендарниот Робин Вилијамс, а иако никој не беше воодушевен од идејата да се направи продолжение, последните два филма ги изненадија сите.

Интересно е што приказната е адаптирана за поново време, па овојпат ликовите „заглавуваат“ во видеоигра.

Ocean’s 11

• Ocean’s Eleven (2001)
• Ocean’s Twelve (2004)
• Ocean’s Thirteen (2007)
• Ocean’s 8 (2018)

Ако сакате филмови со грабежи, нема да најдете подобри од филмовите за екипата на Дени Оушн. Станува збор за група крадци кои се обидуваат да ограбат ништо друго, туку цело казино. Во последниот дел направена е промена на актерската екипа, па групата крадци ја сочинуваат само жени.

The Lord of the Rings

• The Lord of the Rings: The Fellowship of the Rings (2001)
• The Lord of the Rings: The Two Towers (2002)
• The Lord of the Rings: The Return of the King (2003)

Ако досега не сте го изгледале овој серијал, почнете со него. Филмот е адаптација на истоимениот серијал книги од Толкин, и ја раскажува приказната за Единствениот прстен – моќно оружје што може да биде смртоносно во рацете на непријателот.

Серијалот доби бројни номинации за Оскар, победи во неколку катеогрии и се смета за едно од најдобрите ремек-дела во кинематографијата.

Продолжува на следната страница...