Зошто 12 години никој не сакал да ја сними и емитува хит-серијата Squid Game?

Squid Game е серијата која за 3 недели на Netflix ги победи сите очекувања на филмските критичари.

Корејската драма која го освои светот речиси сигурно ќе се вброи во топ 3 најгледани серии на сите времиња, но дали знаевте дека никој не сакал да ја сними повеќе од 10 години?

Корејските филмски студија одбивале да ја развијат и снимат идејата веќе 12 години по ред, претежно поради бруталното насилство и егзекуцијата која е прикажана експлицитно, без да ја поштеди публиката од трауматични детали.

Цензурата се должела на екстремна парабола за неолиберализмот и неговиот нехуман, конкурентен капиталистички систем, каде што има малку победници и многу губитници.

Креаторот на серијата, Hwang Dong-hyuk, се сетил на идејата додека живеел со својата баба и мајка, па морал да го прекине пишувањето на скриптата и да го продаде својот лаптоп за 675 долари, како би си ги покрил основните трошоци.

„По 12 години одложување, светот се претвори во место каде чудните, насилни приказни за преживување се всушност добредојдени,“ вели сценаристот.

„Луѓето секојдневно коментираат како серијата е релевантна на секојдневниот живот. За жал, светот се движи во таа насока.“

Глобалниот феномен Squid Game бил замислен и напишан како концепт уште во 2008 година, а веќе во 2009-та година постоело деталното сценарио.

За некои работи е потребен само вистински момент.

М. Д. | Црнобело