Објавен трејлерот за 5-тата сезона од хит-серијата Elite – љубовни триаголници, убиство и мрачни тајни (видео)

Петтата сезона од популарната шпанска серија Elite ќе даде одговор на прашањата што ги мачат фановите од претходната сезона, a ќе донесе и нови ликови кои сигурно ќе предизвикаат нови заплети.

Шпанската серија Elite ги освои гледачите уште со првата сезона во 2018 година. Дејството е сместено во елитно средно училиште, а покрај тинејџерските драми и проблеми, серијата нуди и неколку мистерии што постојано ги држат гледачите во неизвесност.

Неодамна Нетфликс го сподели трејлерот за петтата сезона од хит-серијата кој иако не открива многу, сепак ветува уште една добра сезона.

Сосема возможно е новата сезона да се фокусира на нова мистерија, но ќе даде одговори и на мистериите од претходната сезона, како пронајденото мртво тело и љубовните врски на ликовите.

Во петтата сезона повеќето актери ќе ги репризираат улогите, но ќе се појават и неколку нови кои сигурно ќе предизвикаат нови заплети.

Новата сезона ќе биде достапна за гледање од 8-ми април годинава.

Во продолжение трејлерот за петтата сезона:

Спирова С. | Црнобело