Приказна: Кој сум јас?


Приказна: Кој сум јас?

Застанал некој млад дечко до еден мудар старец. „Извини дедо, но дали знаеш како да откријам кој сум јас?“ – прашал дечкото. „Ти си она што ти мислиш дека си“, објаснил старецот. „Ќе ти објаснам со една приказна.“

prikazna-koj-sum-jas-01

Еден ден покрај градските ѕидини, во самракот можеле да се видат двајца како се прегрнуваат.

„Тоа се тато и мама“ – си мисли невино детенце.

„Мора да се љубовници“ – мисли човек со покварена фантазија.

„Сигурно се двајца пријатели кои не се виделе долго низ годините“ – мисли човекот кој живее сам.

„Најверојатно се двајца трговци кои направиле добра зделка“ – мисли човек свртен кон парите.

„Сигурно татко го прегрнува синот кој се вратил од војна“ – мисли жена со нежна душа.

„Тоа е ќерка која го прегрнува татка си кој се вратил од пат“ – мисли човек ожалостен од смртта на својата ќерка.

„Ех, двајца заљубени“ – мисли девојка која сонува за вистинска љубов.

„Ене ги, двајца ќе се степаат до смрт“ – мисли убиец.

„Којзнае зошто се прегрнуваат“ – мисли тетка оговарачка.

Старецот заклучил: Сите си создаваме различни мислења. Сето зависи од нас, од нашиот карактер. На тој начин почнуваат и да се шират разни мислења, разни приказни. Ѕирни во сопствените мисли. Ти самиот најубаво можеш да видиш кој си и што си.

Би можело да ве интересира:

Јас можам, ти можеш, ние можеме, само духот да не нѐ напушти! И ќе биде болно во животот, ќе има ден кога ќе изгубиш некого, кога ќе изгубиш з...
Татко ми ме научи да не бидам плен, туку да бидам силна девојка Не се мачи да го прашуваш келнерот што ќе пијам јас и заштеди си ги парите, немо...
Зарем мораше вечно да тагуваме кога можевме да имаме нов почеток? Како да бевме склони да ги следиме погрешните знаци во животот. Како упорно да с...

Најчитани неделава