Фасцинантни факти за сонувањето

Сонуваме секој ден. Некогаш се сеќаваме на соништата, некогаш не. Колку сте запознаени со сонувањето и соништата?

Ова се неколку интересни факти кои можеби не сте ги знаеле до сега:

1. Учиме додека спиеме. На место да учите до последен момент, пред испит е убаво и паметно добро да се наспиете. Спиењето помага мозокот да ги процесира, поврзе и разбере новите информации.

2. Најчест сон? Партнерот ме изневерува! Ако некогаш сте сонувале дека ве изневерува саканата личност – не сте единствени. Овој сон е најчеста ноќна мора која се јавува додека спиеме. Во најголем број од случаите не е поврзан со реалната ситуација, туку е резултат на класичниот човеков страв од неверство и осаменост.

3. Една ноќ – десет соништа. Сонуваме од прилика на секои 90 минути. Првиот сон обично трае околу 5 минути, а секој следен е нешто подолг од претходниот, па оној пред да се разбудиме трае околу 45 минути. Просечен човек во целиот свој живот сонува повеќе од 100.000 пати.

4. Сонот може да се продолжи. Нешто ве разбуди, а уживавте во сонот? Можете да му се вратите. Само продолжете да лежите мирно, не ги мрдајте мускулите, не размислувајте и постои шанса сонот да потрае уште неколку минути

5. Сништата кои се повторуваат кријат порака. Ако некој сон често ви се повторува, веројатно потсвеста сака да ви порача нешто. После будењето обично ги забораваме соништата, но ако го помните можеби треба и да размислите зошто се повторува и дали е резултат на нешто подлабоко. Најчесто зад нив се кријат стравови, големи животни промени и проблеми кои ги игнорираме додека сме будни.

6. Можеме да го контролираме сонот. Интригантното сценарио на филмот Inception каде главните ликови со помош на соништата влијаат на реалните настани, не е неостварливо. Истражувањето спроведено на 3.000 личности покажало дека 64,9% од нив биле свесни дека сонуваат, а 34% повремено може да влијаат на сонот.