Ја застрелал поранешната вереница, го избркале од училиште – помалку познати факти за Чарли Шин

Сакаше да изгради кариера како сериозен актер

Кон крајот на 1990-тите, Чарли проба да се оттргне од комедиите и да почне да се појавува во посериозни филмови. Тој беше толку сериозен во намерата, што извесен период го користеше името Чарлс наместо Чарли. Но оваа фаза траеше кратко и актерот им се врати на комедиите.

Сакал да биде бејзбол играч

Пред да заплива во актерските води, Чарли сонувал да стане професионален бејзбол играч. Тој се истакнал во неговото средно училиште, а добил и стипендија за колеџ бидејќи бил добар играч.

За жал, стипендија пропаднала во вода – Чарли имал многу лоши оценки на училиште и често отсуствувал од часовите, па на крај го избркале. Уште полошо е што го избркале само неколку недели пред да ја заврши последната година.

Веројатно е „антиваксер“

Поранешната сопруга на Чарли, Дениз Ричардс, изјави дека откако ја однела ќерка им на вакцинација, Чарли ја обвинувал дека ја труела. Наводно, Дениз тогаш сфатила дека бракот со Чарли нема да трае уште долго.

Огромни суми за проститутки

Во 1995-та, за време на судењето на жена која била замешан во проституција, Чарли бил сведок. Тогаш актерот открил дека имал потрошено 50.000 долари за проститутки. Досега оваа сума е сигурно многу повисока.

Случајно ја застрелал Кели Престон

Пред Кели да се венча со Џон Траволта, краток период беше верена со Чарли Шин. Но, една ноќ Чарли случајно ја застрелал во раката и набрзо потоа тие ја раскинаа свршувачката.

Со децении постоеја секакви гласини за тоа што точно се случило таа вечер, па Чарли реши да ја раскаже неговата верзија.

Според него, тој си правел кафе, а неговите панталони биле фрлени на подот. Во панталоните стоел неговиот пиштол. Кели влегла во кујната и ги зела панталоните, но тогаш пиштолот паднал од џебот и самиот истрелал.

Куршумот ја погодил Кели во раката, но за среќа не било ништо сериозно. Кели уште ја нема споделено нејзината верзија.

Ја подигна свеста за сидата

Во 2015-та актерот откри дека е ХИВ позитивен веќе неколку години. Оваа изјава предизвика лавина негативни реакции, најмногу поради бурното сексуално минато на актерот - многумина го критикуваа дека не бил одговорен и сигурно заразил некој друг.

Но, неговата изјава имаше и позитивно влијание – набрзо потоа од Google забележале дека луѓето почесто пребаруваат за болеста. Истовремено, драстично се зголемил бројот на луѓе кои отишле да се тестираат за ХИВ.

Всушност, неговата изјава имаше толку големо влијание, што некои експерти ја нарекуваат „ефектот Чарли Шин“.

Речиси го изгубил животот на сетот на Platoon

Чарли и Кит Дејвид снимале сцена во хеликоптер со отворена врата. Во еден момент, хеликоптерот свртел нагло, поради што Чарли буквално излетал низ вратата. Подоцна актерот откри дека Кит го фатил за рака во последен момент и му го спасил животот

Спирова С. | Црнобело