Топлата вода е луксуз во Северна Кореја – наставничка која работела во Северна и Јужна Кореја споделува забавни факти

Во Северна Кореја нема интернет, во Јужна Кореја студенстките домови не се во најдобра состојба, а жителите на двете земји се големи љубители на караоке.

Дијана од Русија е наставничка која извесен период живеела во Северна Кореја, а моментално престојува во Јужна Кореја.

Дијана има ТикТок профил каде што споделува интересни детали од секојдневието во двете земји кои за нас изгледаат навистина необично.

Дел од најинтересните факти за Северна и Јужна Кореја што ги научивме од Дијана:

Жените и девојките во Северна Кореја носат скромна облека

Дијана вели дека сите девојки и жени во Северна Кореја носат скромна облека која покрива речиси сè.

Дури и кога одат на плажа, тие никогаш не носат бикини, туку само едноделни костими за капење.

Младата наставничка на почетокот не го знаела ова, па кога се појавила на плажа во бикини се соочила со многу осудувачки погледи.

Момчињата во Северна Кореја им подаруваат вештачко цвеќе на девојките

Наводно, во Северна Кореја е речиси невозможно да најдете букет од природно цвеќе. Тамошните жители сметале дека овие букети се непрактични, па преферираат вештачко цвеќе.

Сите Корејци сакаат караоке

Иако начинот на живот во Северна и Јужна Кореја е многу различен, Дијана вели дека жителите на двете земји имаат едно заедничко нешто – љубов кон караокето.

Во Јужна Кореја можете да најдете караоке кабини во локалите, каде што можете да пеете на цел глас без да ве слушне никој.

Во Северна Кореја, пак, има посебни локали само за караоке.

Студентските домови во Северна Кореја се како луксузни хотели

За време на престојот во двете земји, Дијана отседнувала во студентски домови.

Во Јужна Кореја имало посебни блокови за машки и женски, а машките никако не смееле да одат во женските блокови, и обратно. Собите, пак, не биле во најдобра состојба. 

Во Северна Кореја и машките и женските биле сместени во ист блок, а собите биле многу добро опремени и наликувале на луксузен хотел.

Продолжува на следната страница...