12 токсични фрази со кои луѓето прават да се чувствувате лошо

„Само сум искрен“, „Таква сум - каква што сум“ - Колку пати сте ги слушнале овие зборови од блиски луѓе? Можеби не сакате да ја прифатите реалноста, но, станува збор за токсични личности кои не ви се наколнети колку што мислите.

Само токсичните луѓе користат фрази со кои ќе направат да се чувствувате лошо, иако не сте направиле ништо погрешно.

Тие нема да се дерат, да ве нарекуваат со погрдни имиња. Нема дури ни да се безобразни.

Напротив - ќе бидат културни, работите што ќе ви ги кажат ќе звучат безопасно, но во реалноста, нивните зборови ќе ве здоболат.

Овие мали пасивно-агресивни фрази нив им се секојдневие, а вам уште долго време ќе ви одѕвонуваат во главата.

Кои работи ги кажуваат токсичните луѓе за да направат да се чувствувате лошо?

„Сменет/а си“

На прво слушање ова делува како забелешка, но во реалноста, тоа е коментар со кој сакаат да ви кажат: ‘Порано можев полесно да манипулирам со тебе и да те контролирам’.

А тоа значи и дека вие сте пораснале, или едноставно, сте сфатиле дека не сакате некој да си игра со вас.

„Не мислат сите како тебе“

Оваа фраза токсичните луѓе ја користат кога сакаат да го отфрлат вашето мислење, да ве замолчат или кога не им се допаѓа нешто што го правите.

А поради ова почнувате да се сомневате во себе и своите способности и верувате дека правите нешто погрешно.

„Претерано многу размислуваш на оваа тема“

Ова ќе го слушнете кога ќе сакате да поставите некаква граница меѓу вас и токсичната личност или кога ќе почнете да зборувате за работи кои сакате да ги направите (или кажете некому), но не сте доволно сигурни во себе.

Со оваа фраза, токсичните луѓе дополнително ќе пробаат да ја поткопаат вашата самодоверба или тоа е начин преку кој ќе пробаат да избегнат сериозен разговор на некоја тема.

Како да сакаат да ви кажат - не биди тежок/а, не поставувај премногу прашања, твоите проблеми не ме интересираат.

„Само сум искрен/а“

Оваа фраза е уште еден начин да ве повредат без да го забележите тоа.

Откако ќе ви кажат сè в лице, без грижа на совест, ќе завршат со овој коментар и ќе пробаат да се „оградат“ од кажаното за да не им се налутите за навредите.

„Таков сум - каков сум“

За токсичните луѓе оваа фраза е само оправдување за нивното лошо однесување и знак дека што и да направите, тие нема да се сменат.

„Секогаш погрешно ги сфаќаш работите“

Со оваа фраза само пробуваат да ја префрлат својата вина на некој друг, без да се извинат за грешката или да покажат макар мало каење.

Уште 6 токсични фрази на следната страница...