Онаа која носи надеж, убава, мирна, достоинствена – Значењето на името Оливера

Оливера е женската форма од името Оливер. Постојат неколку теории околу потеклото на името.

Едната е дека Оливера е име со скандинавско потекло. Доколку се прашувате кога Оливера слави именден, одговорот е на 29 јули (по стар стил), т.е. 11 август (по нов стил) кога се празнува Свети Олаф, кралот на Норвешка (1030).

Другата теорија, согласно оригиналната форма од која потекнува – Оливер, името симболизира маслиново дрво, што во поширока смисла се интерпретира како понуда за мир, слобода, хармонија, односно претставува библиски симбол на плодност, убавина, мир и достоинство. Според оваа теорија, Оливера е име со латинско потекло, од зборовите olivarius; olivarus.

Се споменуваат и некои претпоставки дека името Оливера може да има потекло и од англискиот јазик (зборот за маслинка е olive), како и да „влече“ потекло од шпанското говорно подрачје (зборот за маслинка е olivera).

Според хипотезите за потеклото на името, Оливера во преносна смисла означува „онаа којашто носи надеж“, „онаа што се симбол на мир и надеж“, „носи среќа“, „надеж“, „верба“.

Со името Оливера потсвесно се поврзуваат претпоставките дека е онаа која ќе има мирен и убав живот, личност која секогаш се надева на најдоброто, некоја којашто е мудра, предодредена за голем успех, ќе има добро здравје, благосостојба и мир во животот.

Означете ја вашата омилена Оливера во коментар ѝ посакајте и убав викенд.

(О)Милена | Црнобело