„Ако сте во брак и имате одделни финансии, не сте тим - вие сте само цимери со бурми“

„Во брак сте - не сте цимери. Парите не треба да бидат „мои“ или „твои“, туку „наши“. Јас немам приход. Јас и жена ми имаме приходи...“, вели Дејв Ремзи, финансиски експерт од САД и открива зошто ваквиот став е важен во животот.

Дејв Ремзи од САД е финансиски експерт, автор, радио водител и мотивациски говорник, познат по своите совети за финансии и штедење.

Тој е основач на „Ramsey Solutions“, компанија што нуди финансиски совети, програми за штедење и едукација за управување со пари.

Овој пат на својот Фејсбук профил тој проговори на тема буџетот во брак, односно порача зошто е добро брачните сопружници да имаат заеднички буџет.

Неговиот совет гласи:

„Ако сте во брак и имате одделни финансии, не сте тим - вие сте само цимери со бурми.

Брачните парови треба заедно да ги користат своите пари.

Во брак сте - не сте цимери. Парите не треба да бидат „мои“ или „твои“, туку „наши“.

Јас немам приход. Јас и жена ми имаме приходи. Тоа е исто толку нејзино колку што е и мое - духовно, морално и правно. Тоа не е МОЕ, тоа е НАШЕ.

Кога така го менувате јазикот, ве принудува заедно да си поставувате цели. Ве принудува да сонувате заедно. Ве принудува да ја носите тежината заедно.

Тоа ве принудува да комуницирате. Тоа создава ниво на единство што ништо друго нема да го направи“.

С. С. | Црнобело

Фото: CRNOBELO.com - генерирано со AI