„Ако сте љубезни со непознати, а дрски дома - Вие не сте добра личност, само градите лажен имиџ“

„Можете да бидете љубезни кон животните, кон продавачите, кон секој странец на патот, но љубезноста кон непознатите не е мерка за нашиот карактер. Странците не ги активираат нашите рани и странците не нè потсетуваат на деловите од нас, кои сме се труделе да ги одбегнеме низ годините. Нашиот брачен партнер го прави тоа! Нашите деца го прават тоа! Нашиот дом го прави тоа!...“

Бранкица Раковиќ од Босна и Херцеговина е жена која отворено ја документираше својата борба со ракот и тоа двапати.

Таа постојано прикачува фотографии од своето секојдневие и пишува искрено за работите кои ѝ се случувале и тоа го прави со цел да ги охрабри и другите жени што водат иста битка.

Таа зад себе има еден пропаднат брак, од кој ја добила најголемата среќа во животот – нејзината ќерка.

Сега, Бранкица сподели видео за кое вели дека има повеќе од 9 милиони прегледи и кое ќе ве натера да се запрашате дали сте навистина добра личност и колку всушност (не) вложувате во односот со партнерот.

Видеото ќе ве натера и вие да се замислите.

Моќната порака во него гласи:

„Можете да бидете љубезни кон животните, кон продавачите, кон секој странец кој ќе го сретнете на патот, но љубезноста кон странците не е мерка за нашиот карактер.

Љубезноста дома е вистинскиот тест.

Зошто? Затоа што странците не ја носат нашата историја и странците не ги активираат нашите рани и странците не нè потсетуваат на деловите од нас, кои сме се труделе да ги одбегнеме низ годините.

Нашиот брачен партнер го прави тоа! Нашите деца го прават тоа! Нашиот дом го прави тоа!

И еве ја непријатната вистина која повеќето луѓе ја избегнуваат:

Ако сета своја љубезност ја чувате за странците, тоа НЕ Е ДОБРИНА, тоа е ГРАДЕЊЕ НА ИМИЏ.

Вистинското мерило за тоа кои сме ние, не е културната насмевка која ѝ ја даваме на продавачката во супермаркетот, туку е тонот кој го користиме во комуникацијата со партнерот кој нè сака.

Тоа е трпението кое го нудиме кога се престимулирани.

Тоа е нежноста која ја бираме во деновите кога нашето его сака да пукне.

Браковите не се распаѓаат од една големо предавство, туку се распаѓаат бавно од секојдневното занемарување од ненамерниот недостиг на почит, од тивкото натрупување на секојдневната нељубезност и рамнодушност.

Љубезноста кон странци може да направи да им се допаднете на луѓето, љубезноста кон брачниот партнер прави да бидете човек на кој може да му верува и човек на кој може некој да се потпре.

Љубезноста кон странци креира имиџ, љубезноста дома креира личност и карактер.

И ако сме добри секаде, освен во нашиот дом, тоа не е добрина. Тоа е преформанс, тоа е управување со имиџ, маскирано како наводна ваша добра особина“.

Кликнете на видетото:

С. С. | Црнобело