„Отидов во Дубаи со ветување за работа и нов живот – станав жртва на трговија со луѓе“

„Кога стигнавме во Дубаи, ни кажаа дека нема работа, но дека должиме илјадници долари за летот, за храна, за сместување. Бидејќи немавме работа, ни кажаа дека единствен начин да ги исплатиме долговите е да работиме за нив“.

Трговијата со луѓе е сериозен проблем што се случува во секој крај од светот.

Бидејќи Дубаи е една од најпопуларните и најатрактивните дестинации, одамна се зборува за присилната проституција овде.

И покрај многуте сведоштва, бројни млади луѓе, главно девојки, одат во Дубаи преку ризични договори со надеж за подобар живот.

Но, штом ќе стигнат таму, ги пречекува сурова реалност.

Во ваква ситуација се нашла млада жена, Грејс, која за The Sun го споделува своето страшно искуство.

24-годишната Грејс потекнува од Уганда. Кога пријателка ѝ кажала за понуда за работа во супермаркет во Дубаи, помислила дека ова е одлична можност да избега од сиромаштијата.

Таа се запознала со маж кој ѝ рекол дека може да ѝ среди документи за работна виза, како и работа и практично да ѝ го промени животот.

Единствениот услов било да си ги покрие трошоците од околу 800 долари.

Без многу размислување, Грејс прифатила.

„Во Уганда немав работа и една пријателка ме поврза со дечко кој ми рече дека може да ми најде работа во странство. Требаше да му платам околу 800 долари, а ми кажа дека платата во Дубаи ќе ми биде 500 долари.

Ми изгледаше како одлична понуда. Бев многу возбудена што ќе почнам нов живот. Не знаев многу за Дубаи, освен дека е место каде што луѓето можат да си го подобрат животот ако најдат работа“.

Грејс сфатила дека донела погрешна одлука веднаш штом слетала во Дубаи. Вели дека ја пречекале на аеродромот со црн автомобил во кој имало уште три млади жени.

Ги однеле во стан каде што им кажале дека немало никаков договор за работа.

„Ни рекоа дека должиме илјадници долари за летот, за храна, за сместување. Но, бидејќи немавме работа, ни кажаа дека единствен начин да ги исплатиме долговите е да работиме за мажите во станот. Бев преплашена.

Една од девојките ја натераа да облече провокативна облека и ја снимаа. Потоа и јас морав да го правам истото.

Кога прашавме зошто, ни кажаа дека ако сакаме да се вратиме во Уганда, ќе мора прво да работиме за нив. Ако не сме послушни, ни рекоа дека ќе има последици“.

Грејс вели дека мажите биле вплеткани во ринг за елитна проституција, па таа и другите девојки морале да спијат со богати мажи.

„Немавме пауза, немаше како да избегаме. Беше пекол. Мислам дека никогаш нема да ја преживеам траумата“.

Продолжува на следната страница...