„Го мразев животот во Дубаи – наместо да уживам, работев 80 часа неделно, за плата со која едвај преживував“

Натали од Англија се преселила во Дубаи на само 18 години, откако добила работа како тренер во едно од најдобрите училишта за голф во светот. Но, решила да се врати дома бидејќи постојано работела, а не заработувала ни приближно доволно за животот за којшто сонувала.

Дубаи е една од најпопуларните туристички дестинации, а бројни се и луѓето кои сонуваат да живеат таму.

Можноста за висока заработка, квалитетот на животот, но и плажите се само дел од работите што го прават Дубаи привлечен.

Иако многумина кои се преселиле во Дубаи сметаат дека го направиле вистинскиот избор, факт е дека градот и начинот на живот што го нуди не е погоден за секого.

32-годишна Британка која се преселила во Дубаи вели дека за неа било неподносливо да работи 80 часа неделно и практично да нема време за себе, па на крај решила да се врати до родната земја.

Натали Гудал од Англија имала само 18 години кога ѝ се укажала можност да се пресели во Дубаи и да работи како тренер за голф.

Веднаш ја искористила шансата, но по неколку години сфатила дека животот во луксузниот град сепак не е за неа.

На почетокот Натали живеела со пријателка, но потоа и нејзините родители се преселиле во Дубаи, па почнала да живее со нив.

По две години почнала да изнајмува стан, но вели дека добивала финансиска помош од родителите.

Во неделата имала само еден слободен ден и секогаш го минувала на плажа или во истражување на градот.

„Беше прекрасно. Времето беше како во Шпанија, дури и кога беше зима. Одев на опери, на концерти, а за еден роденден отседнував во хотелот Бурџ Ал Араб.

И терените за голф беа неверојатни, а храната беше прекрасна“, раскажува Натали.

Продолжува на следната страница...