Никогаш не е доцна за нова кариера и уште 17 мудри животни совети од повозрасни луѓе

„Грижете се за вашето тело. Вежбајте за да ја одржувате тежината и да го одржувате здравјето на срцето. Како што стареете, ова ќе ви станува потешко“.

Со годините и искуството, доаѓа и мудроста, па секогаш можеме да научиме важни работи од постарите луѓе.

Тие го преживеале периодот што го живееме ние, свесни како им се менувале перспективата и начинот на размислување, па донекаде знаат што е навистина важно во животот.

Нa Редит бројни луѓе постари од 40 години ги споделија животните совети што би сакале да ги знаат и самите во младоста.

Дел од најдобрите во продолжение:

„Добро запознајте ги вашите родители. Прашувајте ги за нивната младост, за нивните родители, за роднините. Пред да станете свесни, нив ќе ги нема, а ќе останат многу работи што ќе посакувате да сте ги прашале“.

„Ставајте крем со заштитен фактор. Ако можам да ви понудам еден совет за иднината, ова е тоа. Долгорочните придобивки од овие кремови се докажани и со науката“.

„Штедете. Ако имате висока плата, искористете го тоа за поголема заштеда. Ако имате мала плата, тргајте ја настрана секоја сума што можете. Со текот на времето и ова ќе направи некаква разлика“.

„Грижете се за вашето тело. Вежбајте за да ја одржувате тежината и да го одржувате здравјето на срцето. Како што стареете, ова ќе ви станува потешко“.

„Мијте ги забите“.

„Работете напорно, но не заборавајте да се забавувате. Новиот автомобил и новата викендичка ќе ви бидат забавни извесен период, но добрите пријатели и забавните мигови ќе ги цените целиот живот“.

„Истегнувајте го телото. Вежбајте јога. Правете други вежби за истегнување. Не мора да бидете во топ-форма за да бидете среќни, но со истегнувањето ќе се чувствувате многу подобро и ако во иднина се повредите, полесно ќе закрепнете.

Можеби сега се чувствувате непобедливo, како секоја личност во нејзините 20-ти. Но, потоа ќе наполните 30 и ќе почнете да забележувате болки во телото кога трчате, скокате или само кога одите“.

„Никогаш не е доцна за нова кариера. Правете го она што го сакате!“

„Животот е краток, па уживајте во него! Може ви останува уште еден ден или 50 години – никој не знае. Не ги одложувајте работите за некое подобро време“.

Продолжува на следната страница...