Како да познаете маж кој е чувствителен (и e одличен партнер)?

Честопати имаат уметнички потфати

Мажите кои навидум се недостапни или резервирани, своите емоции честопати ги изразуваат преку сликање, свирење музички инструменти, запишување на мислите на хартија…

Темите што ги истражуваат, како љубов, загуба, надеж, служат за да ги искажат нивните скриени емоции.

Случајни дела на љубезност

Мажите кои случајно ќе ви помогнат, без притоа да очекуваат признание, награда или да бидат видени од другите, по природа се чувствителни.

Без разлика дали ќе му помогнат на соседот при кревање тешка кутија или пак ќе доплатат во продавница кога некому ќе недостигаат пари, овие мажи имаат сочувствителен поглед кон светот и ѝ даваат приоритет на љубезноста, наспроти признанието од другите.

За време на дискусии, избегнуваат груби зборови

Расправиите лесно може да излезат од контрола и речиси сите сме имале моменти на кои не сме горди. Многумина, во такви моменти, не можат да се контролираат и знаат да користат многу агресивни и навредливи зборови.

Но, мажите кои длабоко во себе се чувствителни имаат поинаков пристап. Тие ја разбираат моќта на зборовите и внимателно избираат што ќе кажат, настојувајќи да одржат смиреност и рамномерен тон, дури и тогаш кога не се согласуваат.

Таквото однесување е показател за длабока почит кон соговорникот, па и самата врска.

Секако, секој има лош момент, а од ова не се исклучок ниту чувствителните мажи. Но, генерално, тие претпочитаат мир, покажувајќи емоционална интелигенција, сакајќи да ја зајакнат врската, наместо да се скараат и да заминат.

Ја забележуваат емоционалната состојба на другите

Чувствителните мажи се свесни за емоциите на другите околу нив.

Така, тие забележуваат кога некој се чувствува навредено, вознемирено или понижено.

Нивниот пристап кон таквите ситуации е нежен и внимателен, а ова ја истакнува нивната подготвеност да понудат поддршка и разбирање, без тоа да биде барано од нив.

Не го исклучуваат физичкиот допир

Физичките гестови на утеха, како што е подавање рака или топла прегратка, може да бидат доста корисни, особено кога доаѓаат од некој кој површно изгледа толку резервирано.

Таквите постапки зборуваат многу за емпатијата на една личност и нивната способност да се поврзат на длабоко ниво.

Дури и ако не можат да ни најдат вистинските зборови, утешниот допир пренесува порака на солидарност и поддршка.

М. Ѓ | Црнобело / фото: freepik.com