5 причини зошто некои луѓе остануваат во токсични врски

Ниска самодоверба, но и страв од осаменост – кои се најчестите причини зошто луѓето остануваат во токсични врски?

Некои луѓе без двоумење го напуштаат партнерот кој само им штети и не ги прави среќни.

Но, за некои ова е многу потешко – тие остануваат во токсична врска, дури и кога се свесни дека партнерот ги прави мизерни.

Пет можни причини зошто го прават тоа:

Имаат ниска самодоверба

Ниската самодоверба може да биде една од причините зошто некој останува со партнер кој не го прави среќен.

Луѓето со ниска самодоверба не се вреднуваат себеси и мислат дека не заслужуваат нешто подобро.

Самите се свои најголеми критичари, па дури и се лажат дека си го заслужиле лошиот и токсичен однос од партнерот.

Истовремено, нема да му се спротивстават на партнерот кога ги третира лошо.

Страв им е да бидат сами

Некои луѓе мислат дека е многу подобро да бидат во токсична врска, отколку да бидат сами.

Мислат дека ако се без партнер, ќе се чувствуваат мизерно и не се свесни дека со тоа што остануваат во токсична врска всушност си прават полошо.

Луѓето кои имаат страв да бидат сами мораат да научат дека нивната среќа не потекнува од никој друг, туку од самите себе.

Се надеваат дека ќе го променат партнерот

Многу луѓе живеат во заблуда дека ако се трудат и му дадат доволно време, партнерот ќе се промени.

Но, во реалноста, токсичните луѓе ретко се менуваат.

Па, тие само ќе чувствуваат фрустрација, но нема да се охрабрат да го остават партнерот.

Страв од финансиска нестабилност

Ако некој е финансиски зависен од својот партер, не е чудно да се плаши да го остави, дури и во екстремни ситуации, кога е вклучено и физичко насилство.

Ако сте во ваква ситуација, важно е да побарате поддршка и помош од вашите сакани.

Размислете за вашите квалитети и како можете сами да си ја обезбедите финансиската стабилност, без да трпите токсичен партнер.

Не веруваат дека токсичната врска им штети

Не залудно велат дека љубовта е слепа.

Некогаш луѓето потсвесно знаат дека нивната врска е токсична и дека партнерот им штети, но тие сепак го сакаат.

Притоа, ќе бараат и изговори за лошото однесување на партнерот.

И, поради ова, тешко им е да се соочат со вистината и да сфатат дека се несреќни.

Спирова С. | Црнобело