Добра интимна комуникација

Ако имате проблем да комуницирате со партнерот послушајте ги советите на д-р Дејвид Брнс, кој го разви методот наречен когнитивна...

... интерперсонална терапија.

За секој проблем има посебен пристап што ќе ви помогне безболно да ги преживеете и надминете недоразбирањата. Најважно е да запомните дека со обвинување на другиот никаде нема да стигнете.

Партнерот не сака да зборува

Најчесто молчи оној кој е лут и сака да докаже дека тој е во право. Наместо само да прашате „Зошто не ми зборуваш?“, кажете нешто со што ќе покажете дека превземате дел од вината како „Забележав дека не сакаш да зборуваш, па се плашам дека можеби не сум те сослушал/а добро минатиот пат“ или „Жал ми е ако те прекинував кога се обиде да ми кажеш нешто“.

Ако не го напаѓате, на партнерот ќе му биде полесно да ви се отвори и да каже што мисли.

Партнерот ве критикува

Обидете се секоја критика на партнерот да ја претворите во основа за разговор, а не за бесна караница. Ако ви замери дека не му обрнувате доволно внимание, наместо да вреснете „А ти мене?“, кажете „Веројатно е така во последно време, но знаејќи колку те сакам, обиди се да сфатиш дека имав премногу работа и можеби во овој период ненамерно сум те занемарил“.

И двајцата сакате подобра комуникација

Пробајте ја едноминутната вежба. Едниот е Зборувач, а другиот Слушач. Зборвачот кажува што го мачи 30 секунди, а Слушачот внимателно го следи неговото обраќање без да го прекине и без да покаже дали се согласува или не.

Поентата е да ги подобрите вештините за разговарање, односно слушање на соговорникот. По неговите 30 секунди, вие го сумирате он апто го кажал, а партнерот ве оценува од 1 до 100 проценти, во зависност колку точно сте го разбрале. Ако ве оцени под 95% треба да укаже на сè што сте пропуштиле или погрешно сте сфатиле, а потоа ги менувате улогите.

Иако може да ви изгледа смешна, оваа вежба за многу кусо време ја подобрува комуникацијата.