Зошто некои жени не (си) признаваат дека сопругот ги изневерува?

„Страв ми е дека ќе ме напушти...“ - Некои жени не се соочуваат со партнерот за неверството поради стравот да не бидат оставени за  друга жена. Не се чувствуваат сигурно и мислат дека по секоја цена треба да направат сè само да го задржат.

Замислете да дознаете дека партнерот ве изневерува... Првото нешто што ќе го направите е соочување со него, зарем не?

Но, некои жени не размислуваат така. Тие се преправаат дека неверството не постои. Кои се причините за ова погрешно однесување, кое само таложи стрес, непријатност и револт во нив?

Што си велат овие жени?

„Сè додека не знам, тоа не постои.“

Некои жени веруваат дека ако видат на дело дека партнерот ги изневерува, тие нема да можат да го избришат тоа од умот и дека најдобро им е да бидат во незнаење.

Си веруваат во некоја своја вистина и стојат на ставот дека не постои неверство, за да си олеснат.

„Не сакам да донесувам сериозна одлука.“

Тие знаат дека ако до нив дојде информацијата, потоа ќе мораат да донесат некаква одлука за иднината на нивниот однос.

Дефинитивно, ништо нема да биде како претходно и ќе мора отворено да се разговара за неверството.

Па ќе треба или да бидат лути и да врескаат или да плачат и да бидат навредени, па потоа да одат на брачна терапија или можеби да стават крај на бракот.

Eдноставно, сакаат да се спасат од носење сериозни одлуки затоа што немаат храброст за тоа.

„Немам како да променам нешто.“

Тие се сомневаат дека нешто не е во ред, но не се подготвени ниту емоционално, ниту физички да се разделат од партнерот.

Во моментот зависат од него и полека, полека се подготвуваат еден ден да заминат. Но, до тогаш се присилени да се прават наудрени.

„Не ми е грижа што се случува надвор од нашата спална соба, сè додека јас добивам сè.“

Друга причина е таа што веруваат дека ако добиваат доволно љубов, внимание, грижа, не им е важно што прави нивниот партнер на страна. 

Тие веруваат дека сè додека дома се задоволни, не им пречи што прави тој надвор.

„Страв ми е дека ќе ме напушти.“

Некои жени не се соочуваат со партнерот за неверството поради стравот да не бидат оставени поради друга жена. Не се чувствуваат сигурно и мислат дека по секоја цена треба да направат сè само да го задржат.

С. С. | Црнобело