5 модели на чанти кои им се омилени на парижанките (а се модерни и кај нас)

Една од стилските тајни на парижанките е таа што тие не носат тренди чанти, туку избираат парчиња кои се едноставни, а притоа можат да се комбинираат со секаква гардероба.

Парижанките, како и жените во Франција генерално, избираат чанти кои се изработени од квалитетен материјал за да траат подолго.

Почесто се решаваат за безвременски материјал наместо за форми и големини кои за неколку месеци веќе нема да се во мода.

Дел од овие чанти се модерни и кај нас.

А какви чанти најчесто избираат парижанките?

Плетена чанта

Плетените чанти се совршени за летни прошетки по улиците на Париз и покрај Сена.

Овие чанти одамна не се само додаток за плажа, туку се одлични и за низ град, за на работа, совршено се комбинираат со памучни фустани, ленени костуми и класични балетанки.

Според стилистите, дури и наједноставната облека станува повпечатлива со таква чанта.

Чанта од велур со кратки рачки

Ако треба да изберат само една чанта што би ја носеле секојдневно, повеќето Французинки би избрале (средно) голема торба со кратки рачки.

Во неа собира сè - шминки, клучеви, мобилен телефон, слушалки, екстерен полнач, огледалце, книга и уште многу работи кои секоја жена, индивидуално, ги смета како основни за неа.

Оваа чанта изгледа елегантно, особено ако е еднобојна и од велур.

Одлично се комбинира со тренч палто, фармерки или комбинезон панталони.

Торба од лакирана кожа

Овој минијатурен модел има средно голема рачка, па ви ги ослободува рацете и не го „преоптоварува“ вашиот изглед.

Подеднакво е соодветна и за дневно и за вечерно излегување.

Парижанките особено ги сакаат овие чанти поради нивната практичност - совршени се за на прошетка, за возење велосипед или додека седат на кафе на летна тераса.

Торба во форма на корпа

Цврстата форма на овие чанти оддава впечаток на „вечна класа“.

Французинките ги избираат кога одат во канцеларија, на деловни состаноци, но и за секојдневно носење.

Едноставна чанта, која наликува на мини куфер

Оваа чанта е едноставна, не е многу голема, а сепак во неа има доволно простор да собере најнеопходни предмети.

Може да се носи со секаков тип на облека, а особено добро се комбинира со широки фармерки, кошули, маички, преголеми јакни и патики.

А. Ј. | Црнобело