Низ објективот на инстаграмџиите: Мермерната плажа на Тасос е рај за сите сетила

Глетката е неверојатна, а многумина се шегуваат дека треба да ја оставите оваа плажа за на крај од вашиот одмор од Тасос, затоа што по неа ниту една друга нема да ви биде доволно живописна.

Мермерната плажа на Тасос (позната како Saliara Beach и Marble Beach) е една од најживописните плажи на овој грчки остров поради ситните бели мермерни камчиња и тиркизната вода.

Таа е малку зафрлена и непристапна, а до неа води неасфалтиран пат, по кој се превезува мермер.

За да стигнете до неа, најдобро е да ги следите патоказите до плажата „Макријамос“, а пред да влезете на оваа плажа, која е во склоп на луксузен ресорт, да свртите десно по земјениот пат.

Со внимателно возење ќе стигнете безбедно дотаму, а кога ќе ја видите тиркизната нијанса на морето, ќе сфатите дека се исплатило.

Недостигот е што во ек на сезона се создава огромна гужва, а високи се и цените на лежалките.

Мермерната плажа низ објективот на инстаграмџиите:

Повеќе фотографии на следната страница...