6 светски градови со плажи

Ладно е, но вистинските зимски денови се уште не почнале. Кога веќе мораме да носиме дебели јакни, чизми и џемпери кога сме надвор, додека...

...сме пред компјутер можеме да размислуваме за убави и топли места.

Ви ги претставуваме некои од најубавите градови кои имаат и најубави плажи. Уживајте!

1. Барселона, Шпанија. Избор од безброј архитектонски чуда, специфична кујна и богат ноќен живот...но, тоа не е сè. Белата песочна плажа долга 1,6km на која можат да се изнајмат лежалки, чадори или само да се ужива во крајбрежните ресторани и кафулиња, е само уште еден голем плус на овој град.

2. Кејп Таун, Јужна Африка. Лежи на топлиот Индиски Океан и има повеќе од 20 плажи. Клифтон плажата е позната по отмените куќи и ѕвездените залези на сонцето, но и освежителното планинско ветре. Северните предели се познати кај сурферите.

3. Хонолулу, Хаваи. Плажата Ваикики денес е под опсада од хотелиерите. Долгите плажи се идеални за почетниците во сурфање, иако повеќето туристи уживаат лежејќи на песокот.

4. Ница, Франција. Има 35 плажи, од кои некои се приватни некои јавни. Иако со камчиња, плажите во Ница имаат посебен шмек, како и самиот град.

5. Мајами Бич, Флорида. Има 14 километри долга песочна плажа на Атлантикот, одвоена од центарот. Овде уживаат најчесто и холивудските ѕвезди.

6. Рио Де Жанеиро, Бразил. Копакабана се простира на 40 километри! Градот кој живее за карневалите и згодните девојки на плажите знае како да го користи ова свое богатство.

Фаворит?