Долги редици, турканици низ тесните улички - Што може да очекувате од Санторини, ако го посетите во екот на сезоната?
За совршени фотки на белите кровови ќе треба да се изборите за место со илјадниците други туристи. За да стигнете од едно до друго место, ќе треба да се туркате низ тесните улички. Како изгледа Санторини во екот на сезоната?
Нашата инфлуенсерка и ТВ водителка Јелена Спенџарска на почетокот на летото објавуваше фотки од Санторини, но деновиве, популарниот грчки остров е далеку од она што тогаш можевме да видиме.
Наместо празни плажи и празни улички, во кои централно место имаат препознатливите градби, деновиве од островот се споделуваат сосема поинакви видеа и фотки, а локалното население е загрижено и смета дека треба да се стави крај на прекумерниот туризам.
Од видеата што се објавуваат на социјалните мрежи може да се види дека островот ова лето е преплавен со посетители од целиот свет, па ако одлучите да го посетите во екот на туристичката сезона, за да направите преубави фотки на Инстаграм ќе треба да се туркате со илјадниците други туристи што ја имаат истата идеја.
@linh.sponar Realita!🫣 Tohle na instafotkách neukazujou!😂 #santorini #santorinigreece #santoriniisland #reality
♬ původní zvuk - FACELESS TRAGEDY - FACELESS TRAGEDY
Островот има околу 15.500 жители, кои во периодот на сезоната буквално се заложници на туристите.
Така еден од локалните туристички водичи на островот на својот ТикТок профил објави видео на кое се гледа како туристите пристигнуваат на островот и до него напиша:
„Слушнав на вестите дека Санторини годинава нема многу туристи... Лажат“
На видеото може да се види долгата редица туристи која пристигнува на островот.
@victor.santorini ♬ Boundless Worship - Josué Novais Piano Worship
Тој објави уште едно видео на кое се гледа како неговите клиенти се туркаат низ тесните улички на Санторини и се обидуваат да видат барем дел од она што може да го понуди островот.
@victor.santorini #I #love #santorini #fyp #greece #tours & more
♬ Already Won (feat. Lil Durk) - Rod Wave
Дел од туристите се жалат на гужвите и велат дека биле приморани со часови да чекаат на сонце за да можат да се качат на брод.
@ ♬ -
Но, ако мислите дека локалното население се радува на тоа што бројот на туристи се зголемува, тогаш се лажете.
Со години наназад, локалното население бара да се ограничи бројот на туристи што доаѓаат на нивниот остров.
Во прилог на тоа оди и објавата на градоначалникот на островот Панос Каваларис, кој пред една недела упати апел до локалците да не излегуваат без потреба од домот, затоа што се очекува во еден ден да пристигнат 17.000 туристи.
„Вонредна најава. Ова ќе биде уште еден тежок ден за нашиот град и осторв, затоа што ќе пристигнат 17.000 посетители со крузери. Ве молиме да го намалиме нашето движење што е можно повеќе!“
Објавата кратко потоа беше избришана, но фотограгфијата од неа е објавена на повеќето грчки медиуми.
Б. С. Б. | Црнобело
Би можело да ве интересира:
Препорачуваме
Најчитани неделава
