Прошетајте низ Чикаго

Чикаго е град со 9 милиони жители. Тие го нарекуваат Ветровитиот град. Сместен е на езерото Мичиген, а тука е и реката Чикаго. Заради ладните зими...

 

...а многу топлите лета, се препорачува да го постите во април и мај, односно септември и октомври кога температурите се попријатни.

Што има во Чикаго од знаменитости? Во прв ред се огромните згради од кои посебно е интересна Sears Tower – најголемата зграда во Чикаго (442m). Со 103 ката до кои се доаѓа со екстремно брз лифт, туристите најгоре ги очекува прекрасен поглед на целиот град.

Откако сте уживале во оваа глетка, спуштете се до езерото каде ве очекуваат бродови наменети за туристичка прошетка низ градот.

Чикаго има Златно крајбрежје кое се протега низ источниот дел од градот. Езерото е погодно и за капење во летните месеци. Веднаш до Златното крајбрежје има и шеталиште и паркови кои се одлични за дневни прошетки.

Останати места кои мора да се посетат е и  John Hancock центарот, Navy Pier, а, од многубројните паркови најпосетен е Линколн парк.

Во вечерните часови уживајте покрај фонтаната Clarence Buckingham Fountain која постои од 1927 година. Задолжително посетете го и еден од најпосетените музеи на светот - The Field Museum.

Познат по рестораните и угостителството, Чикаго нуди разна храна од сите краеви на светот.