Што можете да правите во Фиренца оваа есен?

Видете го најпознатиот мост во Италија, восхитувајте се на уникатната готска катедрала и уживајте во храната.

Есента е одлично време за патување, а ако се двоумите за дестинација, тогаш зошто да не одите во Фиренца?

Италијанскиот град може да ви понуди многу – од вкусна храна и продавници, до историја и архитектонски чуда.

Што можете да правите во Фиренца оваа есен?

Видете го Ponte Vecchio

Ponte Vecchio е еден од најпознатите мостови во Фиренца, но и Италија воопшто.

Изграден е преку реката Арно и ова е единствениот мост во Фиренца кој не бил уништен за време на Втората светска војна.

Препознатлив е по продавничките изградени на него каде што можете да најдете накит, уметнички дела и сувенири.

Посетете ја Giardino delle Rose

Giardino delle rose (градината со рози) е парк во кој можете да одморите по прошетката низ градот.

Паркот нуди прекрасен поглед кон Фиренза, а додека шетате низ него можете да уживате во рајот од рози и безброј други цвеќиња и растенија.

Посетата ја катедралата

Не може да отидете во Фиренца, а да не ја видите препознатливата катедрала.

Уникатната градба, лие целосно име е Cattedrale di Santa Maria del Fiore е импресивен пример за готската архитектура.

Изградбата почнала во далечната 1296 година, а завршила дури во 1436-та.

Фасадата на катедралата е украсена со мермерни панели во разни бои, додека ентериерот е исполнет со фрески и раскошни уметнички дела.

Пробајте ја вкусната храна

Во Фиренца мора да пробате сендвич со тартуфи, но и да се напиете чаша италијанско вино.

Од некоја пекара купете кекс од бадеми, а препорачливо е да ја пробате и супата од домати.

Ако сакате поавтентично јадење, тогаш пробајте peposo – вид гулаш со говедско месо.

Уживајте во панорамски поглед на градот

Покрај градината со ружи, за спектакуларен поглед кон градот можете да го посетите музејот Villa Bardini.

Дворот на музејот е преубав во пролет, но изгледа волшебно наесен кога сè има златна нијанса.

Друго место од кое можете да го видите градот е Villa Rusciano, историска куќа сместена на рид во близина на Фиренца.

Спирова С. | Црнобело