Места каде нема да ве најдат

Ако сакате да побегнете од секојдневието, од звонењето на мобилниот, од секојдневните проблеми со кои сте окружени потребно е да „исчезнете“ барем...

 

...на кратко. Ова се неколку места на кои може да се одморите во вистинска смисла на зборот. Поприлично се недостапни, имаат скромна инфраструктура и прекрасна природа.

1. NP Laguna San Rafael, Чиле. Огромен национален парк кој се протега на 17.420 квадратни километри.

Познат е по глечерите, а достапен е исклучиво со брод кој мора да се пробие низ каналот Патагонија. Ноќевање во луксузен велнес хотел чини околу 250 евра. Посебна атракција: 16 километри долгиот фјорд.

2. Tristan da Cunha. Веројатно најизолираниот населен остров на светот.

Се наоѓа на југот на Атлантскиот Океан и има околу 300 жители кои зборуваат англиски јазик. До него е најлесно да пристигнете ако фатите брод кој еднаш во месецот тргнува од Кејп Таун. Возењето трае околу 6 дена. На островот можете да најдете поволно сместување, базени и пивници.

3. Socotra. Островот од „другиот свет“ е архипелаг од 4 острови во Индискиот Океан.

Најблиското копно, Сомалија, е оддалечено дури 350 километри. Флората на островот е специфична, а посебна атракција е дрвото "Dracaena cinnabari".

4. Монголија. Земја со исклучително ниска густина на населеност, која пленува со недопрената природа.

Ако прошетате низ главниот град Улан Батор и се насочите кон било која насока ќе наидете на мал број луѓе и уште помалку автомобили.  Вистина мирна земја каде може да уживате.

5. Папуа, Нова Гвинеја. Островска држава во која главниот збор се уште го има британската кралица.

Прекрасни песочни плажи и планини за љубителите на чистиот воздух. Се смета за една од најтрадиционалните земји на светот каде жителите одат боси и спијат по ливади.