Која е разликата помеѓу испукани капилари и проширени вени и дали се опасни?

Кога треба да одите на лекар?

Испуканите капилари многу ретко предизвикуваат компликации. Обично компликациите се јавуваат кај луѓе кои веќе имаат други проблеми со здравјето.

Ако немате никакви симптоми освен испуканите капилари, најверојатно не станува збор за сериозен проблем.

Ако сепак сте загрижени, нема да погрешите да се консултирате со лекар.

За повеќето луѓе, и проширените вени не претставуваат опасност, но препорачливо е да се консултирате со лекар ако ги забележите симптомите.

Кој е изложен на поголем ризик?

Проширените вени се честа појава и се претпоставува дека ги имаат околу една третина од возрасните луѓе.

Можат да се јават кај секого, но постојат неколку ризични фактори, како:

• Возраст
• Пол – почесто се јавуваат кај жените
• Семејна историја
• Животен стил – стоење или седење на долги период, носење многу тесна облека
• Пушење
• Прекумерна тежина

Слични се ризичните фактори и за испукани капилари:

• Стоење или седење на долги периоди
• Семејна историја
• Прекумерна тежина
• Хормонална контрацепција
• Бременост
• Минување многу време на сонце
• Пушење

Може ли да се спречи појавата на проширени вени или испукани капилари?

За намалување на ризикот од проширени вени и испукани капилари генерално важат исти совети:

• Избегнувајте да седите долги периоди – пробувајте да се раздвижите на секои 30 минути
• Избегнувајте многу тесна облека
• Вежбајте редовно
• Внимавајте на килограмите

Спирова С. | Црнобело