Кои третмани за коса треба да ги избегнувате ако страдате од мигрена, според доктор?

Екстензиите за коса се еден од неколкуте третмани кои е најдобро да ги избегнувате доколку страдате од мигрена. Кои други третмани не се погодни за луѓе со овој проблем?

Секоја жена сака да има убава и негувана коса, но за оние дами кои страдаат од мигрена, негата на коса може да доведе до вистински кошмар. 

Затоа, важно е доколку почувствувате необјасниви симптоми по одредени процедури за нега на коса, да побарате помош од вашиот лекар, советува докторката Чанди Џаин Гупта, која е дерматолог и венеролог во „Elantis Healthcare“, Њу Делхи.

Жените кои имаат проблем со мигрена почесто од другите имаат гадење, вртоглавица, црвенило, конфузија и слични симптоми. А некои третмани за коса, можат да ги влошат овие симптоми.

На пример, третманите со кератин содржат формалдехид, кој може да предизвика иритација на очите, главоболка, вртоглавица, болки во грлото, кашлица, отежнато дишење, гадење, болка во градите, повраќање и осип.

„Несаканите ефекти најчесто се јавуваат за време или набрзо по третманот со кератин, бидејќи се користат производи кои содржат формалдехид“, изјави д-р Гупта за Healthshots.

Ако страдате од мигрена, д-р Гупта советува да ги избегнувате овие супстанции и третмани кои можат да го влошат проблемот:

- кератин

- хемиско зацрвстувањето на косата

- измазнување

- ботокс за коса

- екстензии

- PRP третман на коса против опаѓање

- трансплантација на коса

С. Ш. | Црнобело / фото: freepik.com