4 можни причини за чешање „таму долу“, кога немате инфекција

Лубрикант кој ви создал иритација, но и намалено ниво на естроген – чешањето во областа на вагината не е секогаш предизвикано од инфекција и затоа е препорачливо дa се консултирате со гинеколог пред да почнете да се лекувате.

Кога ќе почувствувате чешање во област на вагината, сигурно најпрво помислувате дека станува збор за некаква инфекција.

Но, иако инфекциите, посебно габичните, не се ретка појава кај жените, постојат и многу други причини за чешање.

Поради ова, не е препорачливо самите да се лекувате и веднаш да ставате кремови за инфекции.

Секогаш е подобро ден-два да ги следите симптомите, а во меѓувреме да се консултирате и со гинеколог.

4 причини за чешање на вагината кои не се инфекција:

Животни навики

Ако чувствувате чешање на надворешниот дел, односно вулвата, можно е да станува збор за иритација на кожата.

Оваа иритацијата може да настане од тесна долна облека, бричење, пот…

Во овој случај можно е да забележите и црвенило.

Сексуални односи

Ако со партнерот сте искористиле нов лубрикант или, пак, нов бренд кондоми кои не сте ги пробале дотогаш, а потоа чувствувате чешање во вагината, можно е да биде реакција од нив.

Во овој случај најдобро престанете да ги користите тие лубриканти и кондоми.

Намалено ниво на естроген

Некогаш и хормоналните промени можат да предизвикаат чешање.

Ако имате намалено ниво на естроген, вагината може да биде посува и поради тоа да чувствувате чешање, но и болка при секс.

Нивото на естроген може да го провери само лекар, па ако чувствувате и други симптоми, немојте да ги игнорирате.

Продукти за хигиена

Никогаш не треба да ја чистите внатрешноста на вагината со вода и сапун или шампон, дури и ако се за интимна нега.

Во спротивно може да ја иритирате да чувствувате чешање.

Продуктите за интимна нега користете ги само за надворешниот дел, односно вулвата.

Исто така, избегнувајте продукти со алкохол и парфеми кои можат да ја иритираат нежната кожа.

Спирова С. | Црнобело