Икање без престан и уште 6 помалку познати симптоми на мозочен удар кај жени

Екстремниот замор и гадењето, придружени со „вообичаените“ симптоми, како слабост во екстремитетите и отежнато зборување, можат да бидат знак за мозочен удар кај жени.

Кога е во прашање мозочен удар, важно е да се реагира што е можно побрзо со цел да се намали ризикот од посериозно оштетување на мозокот.

Иако веројатно можете да ги познаете главните симптоми, како слабост во екстремитетите и отежнато зборување, треба да знаете дека симптомите можат да бидат поразлични кај жените.

Кај жените можат да се јават и други симптоми кои некогаш се и посуптилни.

Симптоми на мозочен удар што секоја жена треба да ги знае:

Икање

Веројатно икањето никогаш не би го поврзале со мозочен удар.

Но, икањето кое не престанува и е придружено со други симптоми, може да биде знак на мозочен удар.

Овој симптом се јавува бидејќи мозочниот удар може да има влијание врз делот од мозокот кој го контролира рефлексот за икање.

Важно е да се нагласи дека икањето генерално е честа и безопасна појава, но ако се јави заедно со други симптоми на мозочен удар, побарајте лекарска помош.

Гадење или повраќање

Гадењето и повраќањето можат да бидат симптоми на разни проблеми – од реакција на храна, до ПМС или бременост.

Сепак, доколку покрај гадење чувствувате и симптоми како слабост во екстремитетите, проблеми со говорот и слично, може да биде знак за мозочен удар.

Екстремен замор

Мозочниот удар може да предизвика и екстремен замор.

Денес заморот не е нешто невообичаено и обично жените го препишуваат на стрес, недоволен сон, менструален циклус и слично.

Кога е придружен со други симптоми на мозочен удар, тогаш не го игнорирајте.

Болка во градите

Болката во градите обично се поврзува со инфаркт, но може да биде и симптом на мозочен удар.

Во случај на мозочен удар, болката е поблага и може да биде повремена – да се јавува и да прекинува – и е придружена со други симптоми на мозочен удар.

Продолжува на следната страница...