Како да ги миете забите?

Исправното миење заби е еден од темелните чекори за чисти и здрави заби при се поретка посета на заболекарот. Зависно од тоа каков тип сте зависи...

 

...и начинот на кој треба да ги миете забите.

1. Детален тип

Големо внимание посветувате на хигиената и барате перфекционизам. Имате исправни и здрави заби. Одберете четкичка со меки влакна и набавете конец со кој ќе ги чистите тешко достапните делови. Секогаш мијте ги забите 2 пати во денот или по секој оброк.

2. Љубител на слатки работи

Вашиот доручек се состои од слатки работи – мармалад, мед, чај или кафе со шеќер. Вие едноставно не можете без шеќер. Колку и да звучи чудно, но штом не консумирате нешто кисело не мора да бидете во паника ако не ги измиете забите веднаш по оброкот. И вам ќе ви послужи четка со мало главче и конец за чистење.

3. Пушач

Вие сте најмногу изложени на расипани заби. Еден од најголемите проблеми ви се пожолтените заби. Задолжително користете паста за заби со ефект за избелување. Од време на време одете и на забар на полирање. Заради здивот можете да користите и вода за плакнење на забите.

4. Неправилна вилица

Вие имате безброј пломби и искривени заби. Посветете внимание на пломбираните заби и користете цврста четкичка. Не смеете да го прескокнувате утринското и вечерното миење на забите. Користете и вода за плакнење на забите.

5. Брз живот

Кај вас се се одвива забрзано. Вие немате време за губење. Детално ги миете забите навечер, а наутро правите се на брзина. Мијте ги забите додека се туширате ако веќе немате време.

6. Имате чувствителни заби

Реагираат и на топло и на ладно. Често пати и самото четкање ви предизвикува болка. Користете мека и нежна четкичка.