Совети за бронзен тен

Сакате да добиете бронзен тен, но се плашите од опасните сончеви зраци? Вистина е дека сонцето е се’ поопасно и мора да внимавате, но со неколку совети...

 

...можете да добиете убава чоколадна боја, а да не изгорите и да не ја изложите кожата на опасност.

1. Подготовка 1 недела. 1 недела пред да се изложите на сонце потребно е да почнете со хидратација на кожата. 

Тоа подразбира секојдневно користење на хидратантна крема или млеко на кожата на лицето и телото.

Тоа е важно бидејќи сонцето ја суши кожата, па потребно е пред да ја изложите на сонце додатно да ја хидратизирате.

Освен од надвор, потребно е и внатрешно да внесувате доволно количество вода.

2. Половина час пред сончање. Намачкајте се со крема со фактор половина час пред да одите на плажа, и обновувајте ја на секој час до два, а може и почесто ако имате посебно чувствителна кожа.

3. Никако крема од минатата година. Купете нова. Кремата која седела лани на сонце, годинава не може да ве заштити добро.

4. Внимавајте на алергија. Не заборавајте сека од 12 до 16 часот се сконцентрирани 75% од сончевото зрачење во текот на денот, и ништо не може да ве заштити комплетно.

Затоа бидете посебно внимателни овој период. Ако сте алергични на Сонце, трудете се да избегнувате печење во овој период.

5. Ладовина. Идеално е во ударните часови да седите во сенка. И таму се сончате полека како резултат на одбиените сончеви зраци од водата и песокот.

6. И пред море. Пред да заминете на одмор полека почнете да се сончате. Можете на терасата или во двор.