Вие прашувате, психолог одговара „Перфекционист сум - ова ми создава притисок и постојано сум под стрес“

На прашањата од нашите читатели одговара лиценциран психолог/терапевт.

Прашањата за психолозите може да ни ги испраќате на нашиот мејл Оваа е-адреса е заштитена од спамботови. Треба да ви е овозможено JavaScript за да ја видите. – истите треба да бидат концизни и со кирилична поддршка.

Прашање од читател:

„Перфекционист сум и си поставувам високи цели на факултет.

Ова ми прави постојан притисок дека нема да успеам да прикажам најдобри резултати. Постојано сум под стрес“.

Одговор од психолог, Анџела Нонковски:

Перфекционизмот е меч со две сечила. Од една страна, може да ве мотивира да ја завршите работата (испитот) со врвен квалитет. Од друга страна, може да ви предизвика непотребна вознемиреност и да ве забави.

Знаци кои укажуваат на перфекционизам

Не можете да започнете задача додека не сте сигурни дека можете да ја извршите беспрекорно (одложување).

Ви треба многу подолго време од другите за да ја завршите истата задача.

Го гледате крајниот производ како најважниот дел од задачата. Сметате дека задачата не е завршена – ако не е според вашите совршени стандарди.

Причини за перфекционизам

Некои фактори за кои е познато дека предизвикуваат перфекционизам вклучуваат:

• Страв од неуспех
• Силна потреба да им се удоволи на родителите
• Сакате другите да ви се восхитуваат
• Проблеми со менталното здравје како анксиозност и опсесивно-компулсивно растројство
• Чувство на несигурно или несоодветност
• Проблеми со приврзаноста со родителите во раното детство

Некои работи што можете сами да ги направите за да си помогнете во управувањето со вашиот перфекционизам вклучуваат:

- Забележете ги предностите и недостатоците од тоа да се биде перфекционист.

- Секогаш кога ќе откриете дека повторно запаѓате во перфекционизам, потсетете се уште еднаш на позитивните страни.

- Поставете си остварливи цели. Поставувањето остварливи цели ќе ве спречи да се стремите кон недостижното совршенство. На овој начин, можете да ги постигнете вашите цели со ресурсите што ги имате.

- Поставете временски ограничувања за задачите и погрижете се да ги следите. За да избегнете да трошите вишок време обидувајќи се да ја извршите задачата совршено, создадете реалистично временско ограничување и држете се до него.

- Избегнувајте одложување. Концентрирајте се на задачата наместо на крајниот производ. Ако можете да ја поделите вашата работа на помали, податливи делови за да завршите еден по еден чекор, може да избегнете прекумерна работа.

Запомнете дека грешките не се лоши. Грешките нè прават луѓе, така учиме, стекнуваме искуство и созреваме. 

Побарајте бесплатна консултација или закажете сесија со Анџела Нонковски, дипл. психолог ТУКА.

Разговарајте со лиценциран психолог и надминете ги предизвиците.

©CRNOBELO.com Забрането преземање и копирање. Крадењето на авторски текстови е казниво со закон.

фото: приватна архива / depositphotos.com