Постои ли синдромот на скршено срце ?

Потврдувајќи ја мудроста на некои од најдобрите поети и филозофи кои биле инспирирани од љубовта, конечно и докторите кажаа дека губењето на саканата ...

 

... личност навистина може да предизвика синдром на скршено срце.

Во истражувањето објавено на денот на вљубените – Св. Валентин, докторите изјавија дека шокантен или трагичен настан може да го предизвика срцето да предизвика болка во градите, недостаток на воздух и течност во белите дробови.

За разлика од срцев удар, оваа состојба на срцето е кратка, бара одмор, но најважно од се – срцето не претрпува сериозна штета и не остава трајни последици.

Но, сепак зголеменото количество на адреналин во крвта и други хормони кои предизвикуваат стрес можат да доведат до опаѓање на капацитетот на пумпање на крвта во срцето.

Овој феномен се уште се истражува, како и последците кои можат да настанат како резултат на ова. Луѓето многу ретко бараат медицинска помош за ваквите симптоми, често сами се справуваат со проблемите и загубите.

Најчестите предизвикувачи на овој синдром е смрт на најблиските, изненадувачка забава, сообраќајна незгода, вооружен напад, трема или најчестото раскинување со саканата личност.