Хороскоп за Рак


Астрологија

Дневен хороскоп

Рак Рак
 21.06-22.07

Дневен хороскоп за Рак - вторник, 21 септември 2021

Денес ќе сакате да им се посветите на саканите и вистински ќе ви годат разговорите со нив. Во текот на денот бидете повнимателни со исхраната и не претерувајте со јадење. На работното место сакате да финализирате некој проект, но потребни ви се уште информации, па не брзајте. Во љубовта нештата се подобруваат. Во врската владее хармонија и вистински уживате во миговите со партнерот.

Неделен хороскоп

Рак Рак
 21.06-22.07

Љубов Работа Здравје
5 4 4

20 до 26 септември 2021

Рак

Љубов: Партнерот очекува поголема поддршка и почит. Оние кои се сами ја имаат наклонетоста на колегите и кон крајот на неделата може да дојде до страсна средба со личност која е од вашето работно опкружување. Бидете внимателни и одете чекор по чекор за да не се каете подоцна.

Работа: Целата седмица ќе биде во знакот на тешка работа и желба за докажување. Подеднакво ви е важно да ја задоволите и суетата и џебот. Ќе се обидете да направите рамнотежа помеѓу приватниот живот и работата што ќе биде многу комплицирано поради многуте обврски.

Здравје: Преголемата чувствителност може да е како последица на премор и претрпен стрес. Обидете се да се опуштите и одморите, или да се истрошите со физички активности.

Совет: Ред одмор, па ред активност, немојте да заборавите.

Месечен хороскоп

Рак Рак
 21.06-22.07

септември 2021

Работа: Се поставува прашање дали сте подготвени за нови предизвици на деловно поле. Овој месец вие правите прв чекор и морате самите да ги зграпчите своите шанси. Ова е идеално време за нова работа или за отворање на сопствен бизнис. Ѕвездите во тоа ќе ве поддржат и ќе имате шанса да остварите дополнителни приходи. Многу ваши добри идеи чекаат да бидат реализирани, а во септември ќе ви се отвори прилика повторно да размислувате за нив, само на поинаков начин. Финансиите не ви се стабилни, но ќе успеете да ги завршите сите обврски и да си дозволите задоволства. Невработените Ракови ќе бидат во можност да се вработат во областа на јавноста, дизајнот, просветата, трговијата и комуникациите. Ќе се бараат вашите организациони способности.

Љубов: Раковите во септември ги очекува голема изјава на љубов од страна на партнерот. Следат изненадувања кои ќе ве уверат колку е силна вашата љубов. Можно е запросување или венчавка, секако врската се подига на ново ниво и се градат силни, стабилни темели за идни времиња. Имајте на ум дека ѕвездите ви се наклонети и дека сите емоции кои ги чувствувате во наредните денови, се емоции од кои ќе бидете водени во наредниот период. Останете во љубовен занес и уживајте во убавите моменти со партнерот. Дури и односот со семејството се подобрува, а старите кавги конечно се решаваат, така што ќе бидете мирни и задоволни. Слободните Ракови одбиваат додворување и не се подготвени да стапат во нова врска. Дури кон крајот од месецот можно е да запознаат личност со која ќе започнат пријателски однос, а подоцна може да биде и нешто повеќе.

Здравје: Во првата половина од септември здравјето ви е стабилно и добро. Ќе бидете полни со позитивна енергија, чувствувате потреба за движење и умерени физички активности. Добро ќе ви дојде престој во природа, особено на чист воздух, на море или на планина. Во текот на септември отпорни сте на стрес и болести.

Годишен хороскоп

Рак Рак
 21.06-22.07

2021

2021 година ќе биде среќна за Раковите, а поголем дел од нив ќе имаат можност да си ги остварат целите кои сами си ги зацртале за себе.

Сепак, за да се постигнат овие цели, Раковите ќе мора да научат како да внесат хармонија во себе и околината, да си ги контролираат емоциите и да не се сомневаат во своите вештини.

Во јуни и август, ѕвездите ќе бидат на ваша страна и треба да ги искористите можностите кои се нудат, дури и оние кои личат комплексно. Бидете оптимисти и амбициозни.

Годината е добра за раѓање дете или станување родител, а голем дел од слободните Ракови ќе започнат врска.

Во текот на годината, притисокот од дополнителни одговорности ќе ви ја стави на тест лојалноста и посветеноста кон односите со саканите.

 

Финансии и работа

Одреден период од годината ќе мора да се помирите и да живеете со лимитиран буџет – кај некои причината за ова ќе биде зголемување на одговорностите кои директно влијаат на финансиите, а кај други ќе биде инвестиција која е повратна на долгорочен план.

Многу Ракови може оваа година да инвестираат и во недвижен имот, да си обезбедат свој дом или дополнителен имот за одмор.

Договорите и професионалните успеси се очекуваат во втората половина од годината.

Раковите ќе мора детално да ја анализираат секоја понуда и да бидат внимателни, посебно затоа што се многу неодлучни, па ќе мора да поработат темелно на ова.

Многу од вас ќе направат огромни чекори во кариерната патека, некои од вас ќе дојдат на повисока позиција или ќе им биде понудена околу март или август.

По внимателно размислување, оние Ракови кои не биле среќни со работата подолг период, конечно ќе го сфатат тоа и нема да дозволат комфор зоната да ги спречува да прават промени и да растат на професионално поле. Март и јуни се месеците за промени.

 

Љубов

Љубовниот живот на зафатените Ракови нема да претрпи големи промени во 2021. Ќе бидете среќни и исполнети, а ќе го искористите секој момент да го поминете во пријатно друштво на вашиот партнер.

Март и октомври се погодни месеци за брак или за запросување.

Ако сте сами, не тагувајте. Живејте го животот задоволни со себе и оставете љубовта да ви се случи неочекувано, бидејќи во вашето опкружување има личност која трпеливо чека знак од вас.

Со други зборови, не очајувајте дома, туку отворете ги широко очите и гледајте што се случува околу вас.

Многу Ракови ќе се ослободат од минатиот товар кој го носат на грбот и ќе ги отпуштат личностите кои не се дел од сегашноста и иднината. Мај и јули се погодни месеци за оваа промена кога ќе сфатите дека некои луѓе не се добри за вас и ќе продолжите понатаму.

Мажите родени во знакот на Рак ќе добиваат поддршка од партнерот и ќе го слушаат тоа што го сакаат, а слободните мажи нема да се двоумат дали треба да се гледаат со некого – ќе си ја пробуваат среќата.

Жените Ракови пак, во одредени периоди од годината може да покажат знаци на незадоволство и тага, а партнерот нема да знае како да им помогне. Не отежнувајте, отворете го срцето.

Слободните жени повеќе ќе се плашат од врски за разлика од мажите, заради минати непријатни искуства, но мора да го отпуштите минатото.

 

Здравје

Генерално здравјето ќе ви биде во добра состојба, а ако имате некои проблеми, веројатно истите се развивале подолг период или се поврзани со некој поранешен здравствен проблем, кој има простор да се реши ефикасно.

Октомври и ноември може да донесат дисбаланс во исхраната, на кој ќе треба да гледате малку посериозно и да направите некои промени.

Некои типови на јадење веројатно не ви одговараат и ќе треба да бидат отстранети од вашата исхрана во 2021.

Најчитани неделава

sonovnik-sidebar.jpg