Хороскоп за Девица


Астрологија

Дневен хороскоп

Девица Девица
 23.08-22.09

Дневен хороскоп за Девица - четврток, 2 декември 2021

Насобрани ви се премногу работи кои ве задушуваат и ве обзема потреба за бегство. Избегнувајте многу активности истовремено. Не се плашете да побарате помош. Го „читате“ начинот на размислување на партнерот. Имате поголемо разбирање. Ќе најдете начин да си го решите љубовното прашање ако сте слободни.

Неделен хороскоп

Девица Девица
 23.08-22.09

Љубов Работа Здравје
5 4 4

29 ноември до 5 декември 2021

Љубов: Вашата главна желба е да имате среќа во љубовта. Можно е да ве забележи некој кому му се допаѓате и вие веројатно нема да имате ништо против неговото додворување, особено ако се работи за странец. Ако сте во долга врска или во брак ќе мора да ги формализирате желбите.

Работа: Ситуацијата се стабилизира, дури и добивате многу нови прилики да се истакнете во работа која може да биде добро платена. Останувате доследни на своите принципи и не отстапувате од она што сте го дале на знаење - дека единствено доаѓа предвид квалитетна работа.

Здравје: Добро се чувствувате, здрави сте и ментално стабилни. Избегнувајте алкохол и зголемете ја физичката активност.

Совет: Искористете го својот капацитет.

Месечен хороскоп

Девица Девица
 23.08-22.09

декември 2021

Работа: Продолжувате да го водите тимот и со вашата поддршка и позитивна енергија ги завршувате обврските навреме. Вие сте алката која го поврзува целиот колектив и време е да почнете да ја цените својата енергија. Ако планирате да се изборите за подобра позиција во тимот и да побарате покачување, сега е вистинскиот момент, ѕвездите ви се наклонети. Подгответе се за сериозен состанок и напоменете колку придонесувате на компанијата и на целиот колектив. Научете да се борите за себе. Започнете со планирање на нови проекти, ќе бидете успешни. Невработените Девици ќе бидат во можност да добијат ново вработување во областа на трговијата, угостителството, сообраќајот, комуникациите и услугите.

Љубов: Девиците кои се во врска ги очекува мирен период во љубовта во текот на декември. Почетокот од месецот е романтичен и ќе ви даде поттик последниот месец од годината да го поминете само со партнерот, а дружењето со подалечните луѓе да го одложите. Вашиот партнер го заслужил вниманието и потрудете се да му докажете дека вашата врска ви значи. Ќе имате време за забава и вашите предлози ќе му се допаднат на партнерот. Ве очекува многу забава на крајот од месецот. Слободните Девици може да ги изненади контакт со личност која е на висока положба, која на прв поглед делува студено и одлучно. Не можете ништо да изгубите, опуштете се и закажете состанок.

Здравје: Првата половина од декември ви носи главно добро здравје. Ќе бидете често во движење и добро ќе ви дојдат прошетки и рекреативна активност на места со чист воздух. Во третата декада од декември ќе бидете подложни на стрес и психолошки проблеми. Можни се и ревматични тегоби. Потребно ви е да си дадете повеќе одмор. Генерално, добро се чувствувате.

Годишен хороскоп

Девица Девица
 23.08-22.09

2021

2021 ќе биде среќна година за Девиците, кои ќе успеат да ги продолжат нивните тековни проекти, но и да започнат нови, и со мали но сигурни чекори да се движат кон целите, финансискиот живот ќе цвета, а многу од вас ќе се одлучат на брак. 

Јупитер ќе им ја донесе потребната доза среќа на Девиците според потребите. Планетите и ѕвездите ќе ви бидат наклонети, посебно во финансискиот живот и неочекувани заработки.

Водете се по логиката, интуицијата и искуствата при одредени инвестиции и не си ја доверувајте иднината целосно на туѓите мислења.

Девиците во 2021 ќе поминат низ одредени промени, но тоа нема да им донесе неволји.

Ќе имате можности да започнете нови врски и да ја освежите и живнете постоечката.

 

Финансии и работа

Во текот на 2021 ќе се издигнете нагоре и ќе може да се придвижите кон поголеми цели, благодарение на вашиот труд и среќа, финансиите ќе ви бидат силна страна.

Сепак, бидете внимателни да не прегорите, добро планирајте ги обврските и добро читајте ги и ситно напишаните букви при потпишување договори.

Септември, октомври и ноември ќе бидат посебно добри за неочекувани, дополнителни заработки.

На професионално поле ќе имате многу активна година. Дефинитивно, ќе мора да се вложувате многу во работата за да се искачите повисоко на скалилата на успехот, но ќе ви годат сите активности, како и фидбекот кој ќе го добивате.

Ќе остварувате одлични резултати, но не значи дека секој успех ќе биде крунисан со финансиска добивка. Сепак, ќе ви бидат значајни искуствата.

Многумина од вас ќе работат и две работи во 2021, посебно во периодот од април до август, а од крајот на август до крајот на септември ќе бидете посебно зафатени, но полни со ентузијазам.

 

Љубов

Првата половина од 2021 ќе ви биде исполнета со страст, љубов, романтика и моменти на задоволство, што ќе ве натера да размислите на стапување во брак. Ќе ја покажете шармантната страна и ќе зрачите со љубов.

Втората половина од годината, малку по малку ќе се повлекувате во вашата школка. Ќе бидете посмирени, поумерени и балансирани.

Генерално, 2021 ќе биде активна година и на поле социјален живот. Ќе излегувате повеќе, ќе создавате нови контакти и ќе го користите паметно слободното време.

Мажите во знакот на Девица е важно да не избегнуваат да го вклучуваат партнерот во професионалната еволуција и да разговараат за новите прилики и можности.

Жените пак кои се родени во знакот на Девица ќе добиваат голема поддршка, а за нив довербата и искреноста се како цемент за добра врска.

Девиците кои се мајки, ќе бидат посебно посветени на образовниот процес на децата и на воспитувањето, а оние кои уште не се мајки, ќе го опсипуваат партнерот со посебна грижа и внимание.

Оваа година е погодна и за слободните Девици, кои ќе имаат поголеми шанси да запознаат некого и да започнат врска.

Низ вашиот љубовен сектор ќе се движи планетата на изненадувања и непредвидливи настани и случувања. Тоа значи дека ќе се случуваат промени на ова поле.

Деновите околу 14-ти октомври ќе имаат посебно значење за вас.

 

Здравје

Здравствената состојба во 2021 се очекува да ви биде одлична и ќе се стремите кон здрав живот, со еден исклучок.

Во одреден период од годината ќе бидете склони кон забава и хедонизам. Ќе сакате да уживате во секакви кулинарски задоволства, а тоа може да влијае на вашата тежина.

Оние кои се свесни за своето здравје, ќе ја искористат годината за да направат трајни промени во режимот на исхрана, а сериозно ќе го сфатат тоа од мај.

Најчитани неделава

sonovnik-sidebar.jpg