Астрологија

Дневен хороскоп

Стрелец Стрелец
 22.11-21.12

Дневен хороскоп за Стрелец - четврток, 28 март 2024

Ќе имате време да се посветите на некој личен проект, но уште не споделувајте детали со другите.

На работното место ќе ги покажете вашите способности и ќе направите чекор наред.

Ако сте во врска, ќе ги најдете вистинските зборови за да ги решите конфликтите. Ако сте сингл, ќе ви се насмевне среќата ако бидете свои.

Неделен хороскоп

Стрелец Стрелец
 22.11-21.12

Љубов Работа Здравје
5 4 4

25 до 31 март 2024

Љубов: Веќе оваа недела можете да се справите со љубовните проблеми. Стрелецот оваа недела може да воспостави попозитивен однос со партнерот. Зафатените Стрелци во овој период ќе можат да ја стабилизираат својата врска. Слободните припадници на знакот можат да имаат шанси за некои возбудливи познанства.

Работа: Влегувате во напорен период, ќе имате впечаток дека голем товар ви паднал на плеќи, концентрацијата ќе ви биде послаба, особено ако наидете на пречки, но ретко кој ќе може да ве поколеба. Верувате во себе и тоа ќе им го дадете до знаење на сите,  наскоро ќе се случат позитивни промени.

Здравје: Доколку е потребно, оставете го вашето работно место некое време и преместете се во блиското кафуле или парк, заради вашето физичко и ментално здравје.

Совет: Вежбајте јога.

Месечен хороскоп

Стрелец Стрелец
 22.11-21.12

март 2024

Работа: Може да бидете желни да започнете нешто ново, но потребно е време и трпение за да се развијат плановите. Март е добар период да се подготви идниот успех и активно да се грижите за неговиот развој. Може да постигнете значајни достигнувања во заеднички проекти и тимска работа, одржувајте отворен дијалог со колегите и бидете приемчиви за нови идеи. Можете да ги зголемите вашата мотивација и вашите достигнувања, да се наградите себеси за сè што сте постигнале досега. Вашата способност да идентификувате дополнителни можности за приход ќе ви помогне да постигнете финансиски раст. Размислете за инвестиции или заштеди за иднината.

Љубов: Прифатете ги вашите емоции и слободно изразете ги, препознајте ја моќта на ранливоста и растот што следи кога сте автентични со вашите чувства, мисли и желби. Емоционалното разбирање ќе ви помогне да воспоставите подлабоки врски со пријателите и со сите во вашата непосредна околина. Новите познанства се поврзани со далечина или големи разлики, што може да биде предизвик. Во партнерските односи следува период исполнет со активности кои ја поддржуваат вашата врска. Комуникацијата е лесна, едноставна и директна и можете да ги решите старите или неодамнешните недоразбирања и конфликти. Ако е потребно извинување или прошка, побарајте го и дајте го.

Здравје: Ќе ја одржите вашата виталност и рамнотежа со стимулативни ментални и физички активности, кои ве ангажираат и забавуваат во исто време. Исто така, ова е период кога повеќе треба да се грижите за исхраната, доколку сте размислувале за детоксикација, можете успешно да ја спроведете овој месец и да си ја вратите енергијата.

Годишен хороскоп

Стрелец Стрелец
 22.11-21.12

2024

Стрелци, во 2024-та ќе се фокусирате на работи од кои сте бегале во минатото, но сега ви делуваат многу привлечно и забавно.

Ова ќе биде и година за голем личен развој и себеспознавање.

Некои од вас ќе имаат голем успех на љубовен план, а други ќе напредуваат во кариерата.

Ќе имате чувство дека живеете во бајка и дека сè околу вас е идеално и совршено.

Иако имате слободен дух и не сакате да планирате работи однапред, кога е во прашање љубовта, ќе сакате да знаете точно на што сте.

Ова е и година на патувања, а со оглед на тоа дека сте авантуристи, ќе ја искористите секоја можност за да прошетате.

Ако чувствувате нервоза или анксиозност, обидете се да се смирите со јога или медитација.

Кариера и финансии

Во 2024-та се можни големи промени на финансиски план, но на подобро.

Познати сте по тоа што сакате да ризикувате и секогаш сте оптимисти, па тоа ќе ви дојде добро следната година.

Уште на почетокот на годината можете да почнете со свој бизнис или да прифатите уште една (хонорарна) работа, која ќе ви донесе екстра приход.

Сепак, не се залетувајте и добро размислете пред да се впуштите во некаков финансиски потфат, а ако треба побарајте и стручен совет.

Повеќето непромислени одлуки ќе ви се исплатуваат, но важно е да направите баланс помеѓу ризичните потези и тоа да имате сигурно тло под нозете.

Некои Стрелци ќе сакаат да вложат во криптовалути, но повторно, имајте предвид дека и криптовалутите носат голем ризик.

Не инвестирајте повеќе од она што можете да си дозволите да го загубите – однапред размислувајте за потенцијалните загуби.

Ако имате можност, едуцирајте се во однос на инвестициските стратегии или консултирајте експерт, а дури потоа повлечете го последниот потег и потпишувајте документи.

Љубов

Во текот на целата година очекувајте измешани емоции, големи подеми и падови.

Од ова ќе научите неколку лекции и до крајот на годината ќе почнете да размислувате потрезвено од претходно.

На почетокот на 2024-та ќе се појават искри меѓу вас и некој што го знаете одамна, а за кого никогаш не сте мислеле дека може да ви го привлече вниманието.

Некои Стрелци ќе ја продлабочат врската со партнерот и ќе имаат чувство дека никогаш не биле посреќни, ни поблиски со него.

Бидете отворени со партнерот ако сакате мир во домот или во врската.

Организирајте семејни прослави и заеднички активности кои ќе ве зближат дополнително.

Ако сте во брак, можно е некој што знае дека не сте сингл, упорно да ви се наметнува и да пробува да ве освои.

Обидете се да одолеете на неговиот шарм, колку и да ви годат на егото слатките зборови.

Ако имате потреба за малку личен простор и време за себе, кажете му го тоа јасно на партнерот.

Здравје

Во 2024-та ќе се соочувате со променливо здравје. На моменти ќе бидете „здрави како дрен“, а брзо потоа нема да можете да станете од кревет поради силна настинка.

Обидете се да го смените животниот стил и да се фокусирате повеќе на здравјето.

Вежбајте повеќе, применувајте балансирана исхрана, не претерувајте со ништо.

Одете на здравствени прегледи и барем еднаш во текот на годината проверете ги срцето, видот и бубрезите.

Колку што можете повеќе поминувајте време на отворено и на чист воздух.

Планинарете, возете велосипед, трчајте, пливајте и ова нека ви стане секојдневна рутина.

Но, важно е да се посветите и на менталното здравје – не дозволувајте да ве вадат од такт работи на кои не можете да влијаете.

Размислете за јога или медитација, може да се изненадите од ефектот што ќе го имаат над вас.

Најчитани неделава

sonovnik-sidebar.jpg