Хороскоп за Риби


Астрологија

Дневен хороскоп

Риби Риби
 19.02-20.03

Дневен хороскоп за Риби - петок, 26 февруари 2021

Денот е одличен за зајакнување на врските со пријателите и одржување на старите контакти. Ќе се посветите на нешто во што уживате. На љубовно поле држете се до приоритетите и избегнувајте конфликт. На професионално поле исполнете ги испланираните ветувања, не ги одложувајте за друг ден.

Неделен хороскоп

Риби Риби
 19.02-20.03

Љубов Работа Здравје
5 4 4

22 до 28 февруари 2021

Љубов: Средбата со бившиот партнер ќе донесе заемна збунетост. Ако не дојде до смирување, немојте да очајувате, наскоро ќе имате уште една прилика. Во врските или во бракот, љубомората може да ви ја помати среќата.

Работа: Вашите нови деловни идеи на околината може да делуваат невообичаено нескромно. Но длабоко во себе чувствувате дека сте потполно подготвени и способни сето тоа да го остварите. Најмногу приходи ќе ви донесат помалите бизниси.

Здравје: Периодот на емотивна и физичка стабилност искористете го потполно да уживате и да располагате со сите свои капацитети. Добро се чувствувате, здрави сте и стабилни.

Совет: Контролирајте го апетитот.

Месечен хороскоп

Риби Риби
 19.02-20.03

февруари 2021

Работа: Што се однесува до кариерата, Рибите овој месец ќе напредуваат. Ќе имате нови деловни прилики, па можно е да се одлучите и за нова работа. Свесни сте за своите квалитети и нема да се откажете од важните цели. Иако деловната сфера сè уште не е стабилизирана, вие треба само да продолжите да се трудите и да дадете сѐ од себе за да ги остварите своите планови. Деловната околина и колегите се напнато место во овој период. Нема да имате најдобар однос со нив, а можно е контактот со претпоставените и авторитетите постојано да биде на принципот топло – ладно. Сепак, можни се помали добивки, враќање на старите долгови или непредвидливо покачување на платата. Што и да е во прашање, со тие пари почестете се.

Љубов: Рибите кои се во врска или во брак, во февруари ќе се одлучат посветено да продолжат да се трудат околу својата врска или од корен ќе ја пресечат врската или бракот во кои веќе не се чувствуваат исполнето и среќно. Себеси се ставивте на прво место и одлучивте да ги почитувате своите ставови и емоции. Во овој период важно е да бидете нежни кон себе, да го слушате своето срце и да бидете искрени кон другите. Само на тој начин може да се надминат проблемите. Тоа важи и за односите со пријателите и семејството. Слободните Риби ќе имаат прилика да запловат во романса со личност со која веќе подолго време се познаваат, можно е да се работи за бивш партнер.

Здравје: Почетокот од месецот ви носи склоност кон воспаленија во пределот на зглобовите и грлото, а можно е и покачување на крвниот притисок. Пожелно е да делувате превентивно, а во случај да забележите зголемени проблеми, јавете се на својот лекар. Во втората половина од февруари ќе бидете со подобро здравје, но ќе ви треба повеќе одмор, како и секојдневна психофизичка релаксација и прошетки во природа.

Годишен хороскоп

Риби Риби
 19.02-20.03

2021

2021 година ќе биде динамична и среќна и за последниот знак во хороскопот, годината ќе биде полна со настани и случувања за Рибите.

Оние кои се родени во знакот на Риби ќе заработат лесни пари во ноември и декември, а и месеците март и април ќе им бидат среќни.

Втората половина на декември ќе биде комплексна, но и полна со сентименталност, а многумина ќе си ја пронајдат љубовта.

Вашиот отворен ум ќе привлекува многу нови можности, а комуникацијата ќе ви биде силна страна.

И покрај сите промени кои ги предвидува хороскопот, ќе имате прекрасна година, но мора да си останете искрени кон себеси и да следите некои идеи и цели.

 

Финансии и работа

На поле финансии од почетокот на годината ќе се покаже подобрување и ќе ви бидат понудени разни понуди и можности кои ќе влијаат позитивно на финансиски аспект.

Понекогаш можеби ќе чувствувате дека некои активности повеќе ви земаат отколку што враќаат финансии, но бидете трпеливи. Ќе си ги добиете своите финансиски заслуги во летниот период.

2021 ќе биде предизвикувачка на професионално поле за Рибите, со тоа што ќе добиете многу понуди да се развивате и да учите нови работи.

Ќе имате можност да ја промените сегашната работа за подобро платена, а многу од вас ќе сакаат да бидат „сами свои газди“ па ќе се фокусираат на поголема слобода во ова поле.

Некои Риби можеби ќе продолжат да работат во истата компанија, но сосема ќе го променат начинот на работа – можеби ќе продолжат од дома или ќе го задржат тоа како хонорарна работа.

Март и јуни ви носат нови шанси.

 

Љубов

Нови искуства и авантури ве очекуваат во љубовниот живот во текот на 2021 и ќе доживеете моменти како никогаш претходно.

Ќе имате шанса да се покажете во вистинско светло пред партнерот и да се чувствувате како едно, без да имате потреба да ставате маска на себе.

На површина ќе испливаат чувствата, а 2021 ќе биде одлична за стапување во брак кај некои Риби.

Ова е возбудлива година и за слободните Риби кои ќе запознаат нова љубов или старото пријателство ќе им премине во љубов.

Ќе се интересирате и за луѓе кои се со различна култура, кои потекнуваат од други земји и можни се врски на далечина.

Рибите кои се заглавени во минатото, кон средината на 2021 ќе го отпуштат товарот од старите врски и ќе го остават зад себе, а октомври ќе ви донесе нови љубовни можности.

 

Здравје

Можни се некои бронхијални проблеми во текот на август и септември, а оние кои страдаат од сезонска алергија да бидат посебно внимателни со проблеми со дишните патишта.

Во главно вашето здравје ќе биде добро, но постои можност да треба да се грижите за некој ваш близок. Нема простор за паника, само треба да бидете повеќе посветени на блиските и да им помагате.

Исхраната на Рибите во 2021 треба да биде богата со железо и протеини, доколку вашиот организам добро реагира на нив, па пожелно е да воведете некој режим кој ќе ви одговара.  

Најчитани неделава

sonovnik-sidebar.jpg