Лола Астанова, најсекси пијанистката во светот: „Ми годи овој епитет, едвај чекам да ја вкусам македонската храна“

Поради вашата професијата и брзиот начин на живот имате време за љубов или тоа е (скоро) невозможно?

Секогаш одвојувам време за важните работи во мојот живот надвор од музиката, така што, да, има можност и за љубов.

Прашање е само да се најде време и да се одржи тој баланс помеѓу работата и забавата.

Имаше моменти кога ве поврзуваа со Стјепан Хаусер од 2Cellos и романтично и професионално. Дали сте и понатаму во контакт, настапувате ли понекогаш заедно?

Со Стјепан заедно направивме дуетски проект и среќна сум што видов дека започнавме тренд за кул нови дуети во инструменталниот свет, бидејќи тоа беше возбудливо и револуционерно.

Но, деновиве двајцата сме фокусирани на сопствените соло проекти и немаме планови за заеднички настапи.

Но, како што велат, никогаш не вели никогаш!

За вас велат дека сте најсексапилната пијанистка на светот... Се сеќавате ли како се чувствувавте кога првпат го слушнавте ова? Дали ви се допадна?

Ќе го прифатам тој трофеј... Звучи прилично жешко.

Но искрено, не се гледам себеси на тој начин и не размислувам за себе во такви услови.

Настапувате во високи потпетици, секси фустани и оставате силен впечаток кога сте на сцената. Дали ве критикуваа на почетокот поради тоа што сте смела и различна?

Кога си свој, што е важно што велат критичарите?

Критичарите секогаш ќе најдат нешто да критикуваат, а јас само сакам да го правам она што сметам дека е правилно и искрено за мене.

А таа искреност е она со што луѓето навистина се поврзуваат, и покрај тоа што го кажуваат критичарите.

Имате ли стилист за вашиот сценски изглед или самата ги избирате фустаните?

Генерално, јас самата го создавам својот изглед и ги избирам моите модни комбинации.

Добивам различни парчиња облека и од дизајнери и секогаш ја ценам нивната креативност, но таа мора да одговара на мојата личност за да можам да ја носам.

Изгледате неверојатно. Како го одржувате вашето тело во добра форма? Која е вашата дневна рутина?

Добра генетика, здрава исхрана и вежбање.

Не следам строги диети и не се „убивам“ во теретана секој ден...

Всушност, уживам во добра храна и никогаш не би се откажала од јаглехидратите, на пример.

Но, тоа што постојано правам ситници за себе, всушност, ми помага на долг рок. Клучот е во доследноста.

© CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело

Фото: Приватна архива/Инстаграм