Семејството Самарџиоски има пекарница на Малта: „Четврт бурек е 3,50 евра, продаваме и готвени јадења“

Лесно ли се доаѓа до состојките што ви се потребни за подготовка на производите? Колку моравте да импровизирате со рецептите?

На почеток кога започнавме со бизнисот беше тешко да се најдат вистинските состојки.

За да се долови вкусот на производите, нашите родители започнаа да ги подготвуваат сами состојките.

Скоро сите состојки кои ги користиме се домашно направени.

Кои ви се најчести клиенти? Дали доаѓаат и локалците за да ги пробаат вашите специјалитети и што им е омилено?

Малта е мултиетнички остров, тука живеат луѓе од сите страни на светот.

Најчести потрошувачи се нашите Балканци, меѓутоа скоро и да не постои човек што не го пробал и не го пофалил нашиот бурек.

Сите Македонци и Балканци кои ќе ја посетат Малта се добредојдени во нашата бурекчилница, за да ги пробаат нашите производи.

Имате ли проблем со наоѓање работници? Има ли мајстори за бурек на Малта или сè работите сами?

Мајсторите коишто ни го прават бурекот се Балканци (Македонец и Србин) и се со нас од првиот ден, заради тоа квалитетот и вкусот на бурекот е непроменет сите овие години.

Што е она што најмногу ви недостасува од Македонија и размислувате ли некогаш да се вратите?

Ние сме 4 деца. Брат ми со фамилијата живее во Прилеп, а сестра ми со фамилијата живее во Германија.

Тоа е тоа што ни фали на Малта, но патуваме често, има редовни летови коишто траат од прилика 1 саат и 15 минути.

Засега не планираме да се враќаме во Македонија, тука сме веќе 10 години и се навикнавме на животот на Малта.

Во продолжение уште неколку фотографии од специјалитетите на „Twins Burek“:

©CRNOBELO.com Забрането преземање и копирање. Крадењето на авторски текстови е казниво со закон.

Б. С. Б. | Црнобело