Ана Најдовска се породи во Норвешка: „Имаше само бабица, со новороденчето нè префрлија во врвен болнички хотел“

Кога го донесоа јадењето, како никогаш порано да не сум пробала нешто толку вкусно. Можеби беше од заморот, можеби од неверојатниот адреналин по породувањето, но секој залак беше како најдобриот оброк во мојот живот.

Она што навистина го ценам во Норвешка е начинот на кој ги третираат мајката и бебето, како едно цело.

Од моментот кога се роди Оби, тој не беше одвоен од мене, ниту на секунда.

Сите неопходни прегледи и мерења беа направени во истата соба, така што останавме заедно.

Доколку сè е во ред со мајката и бебето, следниот чекор е нешто навистина посебно, болничкиот хотел.

Многумина беа изненадени што престојуваме во хотел по породувањето, но ова е начинот на кој Норвешка се грижи за новите мајки.

Не станува збор за луксуз, туку за достоинство и почит. Наместо да се чувствуваш како пациент, се чувствуваш како тоа што навистина си – мајка, воин која штотуку донела нов живот на свет и заслужува да биде згрижена.

Во болничкиот хотел, сè е организирано за да го поддржи закрепнувањето и поврзувањето со бебето.

Обезбедени се појадок, ручек и вечера, а партнерот може да остане со вас и да ви помага во овие први денови.

Во ресторанот, сцената е преубава, нови родители со своите новороденчиња, разменуваат погледи на умор и радост, ги споделуваат своите породилни искуства и заедно го доживуваат овој момент.

На истиот кат каде што се собите, бабиците се достапни 24/7. Без разлика дали имав прашања за доењето, ми требаше помош или само ми требаше поддршка, можев да ги повикам во секој момент.

Продолжува на следната страница...