Нора Шаќири 13 години има хашимото: „Три години не можев да забременам, верувам дека болеста е причината за тоа“

Што презеде самата за подобрување на состојбата - начин на исхрана, спортување...?

Од неодамна сум на сериозен режим на исхрана.

Го исфрлив глутенот, кој според мене, е сериозен проблем кога е тироидата во прашање.

А и да не е, советувам да не се користи истиот бидејќи е сериозно зло за здравјето.

Јадам многу зеленчук, спортувам кога можам и колку можам. И еве ме.

Самата рече дека хашимотото влијаело и на твоето тело и дека ти требало долго време да останеш бремена... Како влијаеше тоа на тебе психички?

Иако медицината вели дека хашимотото не е тесно поврзано со забременувањето, јас, сепак мислам дека и тоа како е.

Јас, лично, се обидував повеќе од три години да останам бремена.

И, фала му на Бога, еве сме со Ијан живи и здрави.

Во тоа време, правеше ли нешто за да го подобриш имунитетот, да ја „победиш“ болеста и да се оствариш во улогата на мајка?

Се обидував да бидам релаксирана и да разговарам со Бог на темата.

Сум слушнала дека луѓе одат на акупунктура, дека пијат чаеви од разни тревки... Си пробала ли нешто од ова и ако да, дали во твојот случај даде резултати?

Одев на акупунктура и ми беше многу добро.

Не знам, можеби и тоа е дел од позитивниот тест.

Дали со хашимотото имаш „лоши“ денови, односно период кога болеста целосно те совладува и не можеш да станеш од кревет? Ако да, како се справуваш со тие моменти/ситуации?

Хашимотото знае да биде многу напорен процес - постојан умор, нервоза неопислива, потреба за расправии каде ги нема, несоници.

Со еден збор - ужас.

Но, ако сакаш да се справиш со нешто, секако дека ќе се справиш.

Дали после толку долго време научи да живееш со ова автоимуно заболување?

Научив да живеам со него - Хашимото е мојот омилен Јапонец.   

И за крај, поради сето она низ што си поминала, кој е најкорисниот совет што можеш да им го дадеш на оние кои имаат (или се сомневаат дека имаат) хашимото?

Апелирам да се зборува гласно и често за болестите на тироидната жлезда.

Таа е толку подмукла болест на која ѝ треба малку да ескалира. 

Апелирам на редовни контроли, и секогаш при секаков симптом да се проверува тироидата бидејќи искуството кажува дека таа е последната алка во организмот која ја перцепираат, а треба да е обратно.

©CRNOBELO.com Забрането преземање и копирање. Крадењето на авторски текстови е казниво со закон.

 А. Ј. | Црнобелo