Зорица Божинова, прва жена машиновозач кај нас: „Израснав со возови, татко ми ми го пренесува целото свое знаење“

Како изгледа да си дама во машка професија? Како си прифатена?

Оваа струка машиновозач е баш работа за да се чувствуваш како дама.

За прифаќање - од малечка се знам со голем дел на вработени во Македонски Железници, така што за прифаќање немам зборови.

Освен менторот, кој е покрај мене, и секој вработен несебично ми помага во зголемување на знаењето.

Како изгледа патувањето во локомотивата, односно во кабината на машиновозачот?

Бајка. За мене нешто повозбудливо и порелаксирачко до сега немам осетено, подобро и од психолог.

Која е најдолгата релација што си ја поминала со воз?

Поради возењето за полагање, помината ми е цела Македонија.

А како љубител на шините, постои ли некоја траса што би сакала да ја поминеш со воз барем еднаш?

Да, и се надевам дека некогаш ќе имам шанси да бидам дел од возот што патува од Венеција до Истанбул - Golden Eagle Danube Express.

Дали е вистина дека на секое патување мора да се качиш барем еднаш во воз?

Секоја инфраструктура е различна, па интересно ми е да го осетам тој начин на работа, на брзина.

А и во повеќето европски држави се преферира шинскиот сообраќај за патување, и за кратки и за долги релации.

Што научи од својот татко за возовите? Кој негов совет ти паѓа секогаш прв на памет кога, а е поврзан со професијата?

Тој е доста спремен електромеханичар за сите локомотиви.

Сега ми го пренесува постепено негово целосно знаење.

Совет што прв ми паѓа на памет е „Секогаш биди многу внимателна“.

А дали љубовта кон возовите ја пренесуваш на децата?

Да, моментално ќерка ми изразува желба за возот, за возење со воз.

Интересно ѝ е кога свирка возот, се надевам дека ќе имам шанса да ја учам и да ја делам со неа оваа страст.

Што е со железничкиот сообраќај во земјава - колку линии имаме и на кои релации сообраќаат?

Најчесто железничкиот сообраќај во државите е најкористен сообраќај.

Нашиот директорот даде една убава вест - дека за една година се направени 12 локомотиви + 2 во процес од само 4 функционални локомотиви.

Тоа значи ние сме целина што веруваме и даваме сè од нас за подобро и побрзо ставање на железничкиот сообраќај на прво место за олеснување на транспортирањето низ државата.

Исто така, во тек е планирањето за започнување на изградба на брза пруга која ќе достигнува 160km/h.

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело