Сузана Хаџи Илиќ е модна бизнис дама со страст за патувања - ја сака модата и верува дека стилот е израз на личноста

Кое е најскапото, а кое емотивно највредното парче што го поседуваш?

Искрено, не сум човек што сака да зборува во суми. Но ако треба да бидам искрена – во мојата гардероба има вредност колку два сериозно добри стана.

Најскапото парче што сум го купила е луксузен етно фустан од Valentino, кој го носев за мој роденден во еден прекрасен хотел во странство. Тоа беше момент, не само модно парче.

Но она што е поважно – секое парче што го поседувам е купено со мој личен труд. Сама ги заработувам и сама ги избирам.

И не се срамам скапо платено парче да го носам два, три или пет пати. Знам колку тешко се создава и заработува, и затоа секој избор го правам внимателно.

Мојот критериум за мода е висок. Со години работам со луксузни парчиња преку мојот бренд Arabeska, па можеби сум и заситена од трендови и трупање нова облека.

Денес, за да купам нешто, треба навистина да ме фасцинира – да биде карактеристично за мене, да го отсликува мојот карактер и да ми дозволи да се чувствувам удобно и моќно во него.

Имам незамисливо многу парчиња облека и над 200 пара чевли, но веќе не купувам импулсивно. Купувам само кога нешто навистина ќе ме освои.

Секое мое омилено парче има една заедничка нишка – заработено е со труд и избрано со срце.

Убавината е предност или пречка на поле бизнис?

Често ме прашуваат дали е тешко убава жена да успее во бизнис во Македонија.

Убавината секаде прави тешки проблеми. Да се пошегувам на сопствена сметка.

Јас работам во средина која традиционално се смета за „машки свет“ – во сериозни институционални и државни структури каде што жените се малку. А кога жената е модерна, средена и комуникативна, тоа понекогаш дополнително ја усложнува позицијата.

За да опстане една жена во таква средина, мора да има јасни граници. Можеби некој ќе го нарече тоа ароганција, но јас го нарекувам став.

Резервираност, строгост и свесност каде завршува деловното, а каде започнува приватното.

Никогаш не мешам business and pleasure (бизнис и задоволство). Доследноста и професионалноста ми се неприкосновени.

За една жена да биде почитувана во бизнис, особено во машка средина, мора да биде силен карактер и да биде недостапна.

Почитта не доаѓа од изгледот, туку од капацитетот – од знаење, експедитивност, реализирани проекти и доследност.

Убавината може да привлече внимание, но само компетентноста го задржува. Еве искрено, некогаш убавината повеќе затвора врати, отколку што ги отвора.

Како го одржуваш фит изгледот?

Искрено? Крајно сум недисциплинирана кога станува збор за фитнес.

Јас сум поранешен спортист – професионално се занимавав со пливање долги години. Верувам дека мускулот памти.

Телото еднаш научило дисциплина, отпорност и форма – и тоа останува некаде во структурата. Покрај тоа, имам и природна градба која веројатно сум ја наследила.

Но, да бидам искрена – не држам диети, не бројам калории, не се откажувам од храна.

Голем гурман сум. Готвам, работам во угостителство, сакам да пробам сè – благо, солено, традиционално, модерно.

Не вежбам, не одам во теретана, не пешачам колку што би требало. Веројатно треба.

Тоа што изгледам фит денес, го должам или на спортската основа од младоста, или на мајка природа. Сигурно не на некаква строга дисциплина.

Секако, годините го прават своето – по некој килограм плус на зима, по некој минус на лето, но не живеам во рестрикција. Живеам во баланс.

И можеби токму тоа е мојата формула – умереност, движење низ динамичен ден и многу енергија.

Твои правила за нега и убавина се…

Моето правило број еден за негуван изглед е косата. Обожавам долга, здрава и сјајна коса.

Носам природни екстензии и внимавам секогаш да изгледа негувано и беспрекорно.

Искрено, косата не ја мијам дома – одам на фризер редовно, на секои два дена. За мене тоа не е луксуз, туку инвестиција во впечатокот.

Кога станува збор за козметика, тука сум многу поедноставна, отколку што луѓето очекуваат.

Продолжува на следната страница...